Kəfwaʼ 9:39 - Kaa n Kəzə̀ n fəghə mə

³⁹ Pita n daŋŋə bayyə tsu uwû, nuu dzəŋi ndow ghi ghə. Ambə tə ndow kuum tsunə fu, ghə n ney kɔʼ ndow ghi wi n dzuu i ndaw zey i doʼo kɔʼ ndow idəŋ. Ghey a kpusə adzəm n dzəŋ tsəghə kɔʼ wi, dey, dii ndow wi n ndzə tey Dɔkas â təmnə tə ghə nə tə nam loʼ utaw.

Kəfwaʼ 9:39 Mawu Ofanana

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Matyo 26:11

Ghaa nə laʼ koʼ way ghə̂ a laa ghə n fəŋŋə kə ghaa, abə mə, mə i kee way dzə ghi ghaa nəŋə tədzəm.

Malakus 14:8

Tə sa ghəŋə ghəə ghey tə loʼnə ni ghəŋə, tə feeli tsu mbvə n ləmmə mə n wû wuŋ ni bayyə naŋa tən tsu mə nə̀ nəŋə i tii i ka kam bə, tə̀ tsuʼ fey ghə i tsəllənə mə tii ni bə.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 12:8

Ghaa nə̂ laʼ koʼ way ghə̂ a laa ghə n fəŋŋə kə ghaa, abə mə, n nə kee way dzə ghi ghaa nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 17:12

Nəŋə zey mə â loʼ ghi ghə, mə â tsəd naŋa ghə n daʼa key kə loʼnə n zəd zey wə â fuu tə̀ mə. Mə n keyyə ghə, wù ghə umɔʼ ka nay shi tii a may kə wù wey tə â khə ni teeli nay, ni luulə ghɔɔmə zey i tɔ̀ɔ doʼo n màʼlə K-a-zə̀.”

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Kəfwaʼ 8:2

Ghə̂ a loʼ ghə, ghə â ngii bəghəmnə tə Zə̀ kə, n ngii dey nghee ghə wey tsunə Sitifən. Ghə n boʼo vən i wi ndow tsələ ndow.

Kəfwaʼ 9:41

Pita kwu tsu wɔɔ kə wi, tɔɔmə kɔʼ wi nə̀ tə nuu təmi kɔʼ idəŋ, daŋŋə tɔŋɔ nyi dzəŋŋə bə dzûmə tə Klisto tey fu tədzəm nsə ghey a kpusə ghey fu, fuu tsəghə ndow wi tə ghə nə tə loʼ utaw.

2 Kɔrint 8:12

I loʼ nə̀ abə wə khənə zày ni fuu Zə̀ kə neynu fə̂ key wə fuunə tə̀ wɔɔ kə kə̀ kɔʼ kùmnə, à way dzə n fə̂ key wə khə way.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

1 Timoti 5:3

I laalə tə ghey a kpusə ghən ghə ndzəm khə way wù ni laalə tə ghə.

1 Timoti 5:5

Zən ə kpusə wən tə ndzəm khə way fə kə, khə soʼo way wù tə laalənə tə wi, khə ni fuu may ndow fə̀ŋ ə wi tə Zə̀ kə. Tə i gɔŋŋə tə Zə̀ kə nəŋə tədzəm nə̀ Zə̀ kə gaamə wi.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.