Kəfwaʼ 9:32 - Kaa n Kəzə̀ n fəghə mə

³² Nghee tə Pita ngəə tsəghə bənə naʼ zə, ambə n tsuʼ fə loʼ fə, tə n bwey ndow səə ghə̂ a Kəzə̀ ghey ghə loʼnə n naʼ i Lida.

Kəfwaʼ 9:32 Mawu Ofanana

Matyo 27:52

Sày tə n chi shi ndòw, ndəmə vən a ghə̂ a Kəzə̀ ghey ghə â nə kpunə, Zə̀ kə n zhəm dzəŋŋə bə ghə.

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 26:10

A wey bɔɔmə loʼ ghəə ghey mə â ghəŋŋənə n Yerosalem. Mə â ney kədaʼa n wɔ ghə fɔɔngili a nii ghə, kwu fii naŋa ndəmə ghə̂ a Kəzə̀ n ndaw tsaʼ. Ambə ghə tsəʼlə tsu saʼ nə̀ ghə wey ghə, mə n tsəm bəghəm soʼo nə ghə wey ghə.

Kəfwaʼ 8:14

Nghee ngəd tə Yeso tey n Yerosalem zow tsunə nə̀ ghə̂ a Samaria ghə n bəghəm tə tûm Kəzə̀, ghə n tûm ndow Pita ghi Jɔn n səə ghə.

Kəfwaʼ 8:25

Nghee Pita nsə Jɔn tiilə dza may tsunə ghəə ghey ghə â khənə boʼ Yeso, naʼa may tsu soʼo tûm i dzuŋu zə bòʼ Mûkəbii, ghə n nuu dzəŋŋə ndow n Yerosalem, bwey naʼlə ndow tûm i dzuŋu zə n naʼa tə mboʼo Samaria.

Kəfwaʼ 9:13

Ananyas n beeli kɔʼ nə̀, “Mûkəbii, ndəmə aghə̂ ghə n dza ghəə ghə tə mə kuum wù wən nsə ndəmə tə aghəə tə bəbə tey tə ghəŋŋənə n kow ghə̂ a Kəzə̀ ghə n Yerosalem.

Kəfwaʼ 9:33

Tə n ndow kwɔɔlə ndow wù loʼ fu tii ghə â tɔŋŋə nə̀ a loʼ Enias, nə̀ wû u wi wə n kpu doʼo nə tənùm ifam nə tə nuulə kɔʼɔ way nə ukay.

Kəfwaʼ 9:41

Pita kwu tsu wɔɔ kə wi, tɔɔmə kɔʼ wi nə̀ tə nuu təmi kɔʼ idəŋ, daŋŋə tɔŋɔ nyi dzəŋŋə bə dzûmə tə Klisto tey fu tədzəm nsə ghey a kpusə ghey fu, fuu tsəghə ndow wi tə ghə nə tə loʼ utaw.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.