Kəfwaʼ 9:22 - Kaa n Kəzə̀ n fəghə mə

²² Sɔl n fəd ndəmi nyi ndow uwû ni naʼa tûm i dzuŋu zə. Tə n dii nə təjìi tədzəm nə̀ Yeso ndzəm loʼ wù wey Zə̀ kə â dza naŋa nə̀ i tûm bənu. Tə n dii n jìi zey ghə̂ a Təjuu ghey n Damaskus n laʼ kii kɔʼ ghə i dza zə.

Kəfwaʼ 9:22 Mawu Ofanana

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Kəfwaʼ 9:21

Dzuu zə n zum ghə̂ ghey adzəm ghə â zownə ghɔɔmə i wi zə. Ghə n kaʼ ni bəb n wû i ghə nə̀, “N dza a wən loʼ wù wən tə â chɔdlɔnə ghə̂ ghey ghə tɔŋɔ tsu zəd i Yeso zə n Yerosalem ə? N dza zuŋ key tə â bənə fa tii â loʼ ni kwu ghə̂ a tii ghə, tə ney ndow fuu tə ghə fɔɔngili a nii ghə ə?”

Kəfwaʼ 9:23

Ambə ntsuʼu n tsəghə tsunə, ghə̂ a Təjuu ghə n dzəŋi doʼo tsu, kad kɔʼ tsəm nə̀ ghə khə ni wey Sɔl.

Kəfwaʼ 9:27

Banabas n kee ney ndow ghi wi n səə ngəd tə Yeso tə, tiilə dza ndow tə ghə nghee Sɔl a koʼnə Mûkəbii tii n jii nə̀ tə ndow n Damaskus, tə n ghɔɔmə ndow tə wi. Banabas n tiilə dza soʼo tə ghə nghee tə Sɔl â dəbbə naʼlənə ghəə ghə tii n zəd i Yeso n Damaskus.

1 Kɔrint 1:27

Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

Galeshia 1:18

Ambə num tə tsəghə tsu tətəghə, mə n kɔʼ ndow n Yerosalem ni ndow koʼ Pita, doʼo tsu fu ghi wi nə ntsuʼ ighəm nsə tsuʼu mə ntaa.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.