Kəfwaʼ 9:18 - Kaa n Kəzə̀ n fəghə mə

¹⁸ N nəŋə i tii zə kə, fə u loʼ wə tə a loʼ zhwey u tətsəghə wə n tsɔʼlə nuutsu n sə̂ a Sɔl. Tə n kəm kaʼ ni koʼ təluʼu. Tə n nuu i kɔʼ, Ananyas n fuu wi n mmuu n Kəzə̀ mə.

Kəfwaʼ 9:18 Mawu Ofanana

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 22:13

Tə n bə təmi bə n sə kuŋ, dza tə mə nə̀, ‘waazə wuŋ Sɔl, n dza nə wə kəm kaʼ ni koʼ tə luʼu.’ N nəŋə i tii zə, mə n kəm kaʼ ndow ni koʼ təluʼu, laalə ndow wi.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Kəfwaʼ 9:19

Ambə tə zə̂ kɔʼnə fəzəə wə, daʼa kə nyi bə n kow wi. Sɔl n doʼo tsu tsuʼu n loʼ mə ghi dzûmə tə Klisto tey n Damaskus.

Kəfwaʼ 9:8

Sɔl n ghaŋŋə nuu kɔʼ aghəlitsə, ambə tə chi kɔʼ sə̂ a wi ghə, tə n kəm way ni koʼ təluʼu. Sey, ghə̂ ghey tə â loʼnə ghi ghə n tali nyi ndow wi n Damaskus.

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.