Kəfwaʼ 9:17 - Kaa n Kəzə̀ n fəghə mə

¹⁷ Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Kəfwaʼ 9:17 Mawu Ofanana

Matyo 19:13

Ghə̂ a loʼ ghə n ney bə aghinətəghə n səə Yeso nə̀ tə gaʼ tsu awɔɔ n tow u ghə, tə gɔŋŋə tə ghə. Ngəd tə wi tə n fəd kii ndòw ghə̂ a tii ghə.

Malakus 5:23

Tə n buʼ Yeso n wɔɔ kə dza nə̀, “Waa fuŋ fə zən fə dzaŋanu, loʼ n ghəə a kpuu ghə, n buʼ kəwɔɔ, bə gaʼ bə wɔɔ kə kə̀ n kow wi tə̀ tə taw doʼo bə, tə muu dzəŋŋə bə utaw.”

Malakus 6:5

Sey, tə n way ni ghəŋə ndəmə nfaalə fu, a may kə səfə ghə̂ a dzaŋa à loʼ ghə tə a mɔmnə ghə, ghə n taw kɔʼ.

Lukas 1:41

Ambə Elisabet zow tsunə tɔŋɔ zow i Maria zə, waa n soʼlə tsu n nəghə u wi. Zay kə Zow kə n tsu bə n kow wi.

Lukas 1:67

Sey, Zay kə Zow kə n tsu bə n kow bày wi tɔŋɔ Zakalia, tə n kaʼ ni ghɔɔmə dza,

Lukas 1:76

Abə wɔ̀ n waa, ghə i tɔŋŋə wɔ nə̀ à loʼ wù tûm Zə̀ kə Idəŋ kə. Təŋkey, wə i ndòw dzə isə ni bayyə naŋa tsu jii tə Mûkəbii.

Lukas 15:30

Nghee tə̀ waa wə wən tə sàŋŋə maʼanə fə wə wə̀ ghi gheyzən a laŋŋə ghə, bə dzəŋŋənə, wə u wey tsunə mbɔŋ i nii zey tə̀ wi.’

Lukas 15:32

I kpiinu tə̀ saa ni saŋŋə, a duʼlə, n təŋkey, waazə wə wən tə â kpuunu, tə n bə dzəŋŋə utaw, tə â naynu, a n kəm koʼ wi.’”

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 13:3

Ambə ghə bam may tsunə dzuu zə, gɔŋŋə may tsu soʼo, ghə n gaʼ ndow awɔɔ n tow u ghə, tûm nuu shi ndow ghə.

Kəfwaʼ 13:52

Dzûmə tey n Antyɔk n ngii khə iduʼlə, Zay kə Zow kə n loʼ soʼo ghi ghə.

Kəfwaʼ 19:6

Ambə Pɔl gaʼ tsu wɔɔ a wi ghə n tow u ghə, Zay kə Zow kə n daŋŋə nyi tsu n kow ghə. Ghə sey daŋŋə zeynu ni ghɔɔmə n ghɔɔmə tə naʼa tə nuu tə, dza ndow soʼo ghəə ghey a nuu bənə n wɔ Zə̀ kə.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 26:15

Mə n bəb tsu nə̀, ‘Wə loʼ ndee a Mûkəbii?’ Mûkəbii ə tii n daŋŋə dza bə nə̀, ‘N loʼ Yeso wey wə chɔdlɔ kaabənə.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 6:6

Ghə n ney teyyə naŋa shi bə ghə̂ ghən asəghəmbəghə n sə kə ngəd tə Yeso tey, ghə n gɔŋŋə tə ghə, gaʼ ndow awɔɔ n tow u ghə.

Kəfwaʼ 8:17

Sey, Pita ghi Jɔn n gaʼ ndow awɔɔ n tow u ghə, Zay kə Zow kə n daŋŋə nyi ndow n kow ghə.

Kəfwaʼ 9:18

N nəŋə i tii zə kə, fə u loʼ wə tə a loʼ zhwey u tətsəghə wə n tsɔʼlə nuutsu n sə̂ a Sɔl. Tə n kəm kaʼ ni koʼ təluʼu. Tə n nuu i kɔʼ, Ananyas n fuu wi n mmuu n Kəzə̀ mə.

Roma 15:7

I sey dii nə̀ ghaa khə ni bəghəm naŋa a waazu ighələ tə Klisto bəghəm naŋanə ghaa, ni ghəŋə nə̀ ghə̂ ghə i fuu kɔʼləmə tə̀ Zə̀ kə.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

1 Kɔrint 15:8

Tə n dii guŋŋə bə soʼo uwû tə̀ mə. N fey loʼ tə a loʼ waa ghə ji guŋŋə tsunə nə̀ nəŋə zey ghə â khənə ni ji wi tii ka kam kpii.

1 Kɔrint 9:1

Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 5:22

I kə wə nə tsəŋŋənə n wû wə ni tsuʼ naŋa kɔʼ wù nə̀ tə i fwaʼa fwaʼ kə Mûkəbii kə. Ka i nyiəllə soʼo wɔɔ kə n ghəə a bəbə ghey ghə̂ a loʼ a ghəŋŋə kaabənə. Dəmə tsu kə nə̀ wə i zow n ghəə ghə a ghəŋŋə ghə.

2 Timoti 1:6

À wən loʼ zuŋ key n zəŋŋə bənə wɔ nə̀ wə i nûmə zeeli naamə key Zə̀ kə â fuunə tə wɔ n nəŋə zey mə a gaʼnə wɔɔ ghuŋ ghə n kow wɔ, gɔŋŋə tsu n tow kə.

Filemun 1:16

Tə kəm bəghə dzəŋŋə dzə way tə wɔ tə a loʼ kəkɔd, tə nya bəghə dzəŋŋə tə a loʼ wù kəfwaʼ wey tə tsəghəshinə kɔd kə. Tə nya baa loʼ waazə ə saa n ndaw Kəzə̀. N ngii ləghənu wi, n khənu nə abə wə i kəm koʼnə wi wə i buʼu ləghə wi, u tsəghəshi daŋŋə mə. Wə i ləghə wi tə a loʼ wù sɔŋtsuʼ nsə tə a loʼ waazə wə n ndaw Kəzə̀.

Hibru 6:2

Saa kəm khə soʼo way ni ghɔɔmə zeeli ghəə ghə bòʼ ni dii aghə̂ n ghəə a fuu a wù ghə n mmuu n Kəzə̀ mə, ghəə a gaʼa ghə awɔɔ ghə n tow kə wù ni fuu ibuulə, ghəə a zhəm dzəŋŋə bə ghə nə ivə. Saa khə soʼo way ni ghɔɔmə zeeli nghee Zə̀ kə i saʼanə ghə̂ ghə a tii nsə nghee saʼ i wi i doʼo tən nə.

2 Pita 3:15

Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.