Kəfwaʼ 9:15 - Kaa n Kəzə̀ n fəghə mə

¹⁵ Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 9:15 Mawu Ofanana

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 21:19

Pɔl n tɔŋɔ zow tsu ghə, tiilə dza kɔʼ ndow ghəə ghey Zə̀ kə ghəŋŋənə n kow ghə̂ ghey ghə way ghə̂ a Təjuu ghə n bam i fwaʼ kə wi.

Kəfwaʼ 22:14

Tə n daŋŋə dza bə tə mə nə̀, ‘Zə̀ kə ghə bày bày a saa kə n wɔ sày nə̀ wə i khə ghəə ghey tə ləghənə, wə koʼ Wù kəfwaʼ a wi wən tə loʼnə Tsətsəghə, wə i zow soʼo ghɔɔmə zey i shiə bənə n dzuu i wi.

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Kəfwaʼ 25:22

Agripa n daŋŋə dza tə Festus nə̀, “N ləghənu ni zow ghɔɔmə i wù wən n wû wuŋ wə.” Festus n dza nə̀, “Wə i zownu ghɔɔmə i wi zə tsətsə.”

Kəfwaʼ 26:1

Fɔɔ Agripa n dza ndow tə Pɔl nə̀, “Wə khənu buʼ kə nya ni ghɔɔmə.” Pɔl n daŋŋə keeli shi kɔʼ wɔɔ kə wi idəŋ, kaʼ ndow soʼo ni ghɔɔmə dza nə̀,

Kəfwaʼ 26:32

Fɔɔ Agripa n daŋŋə dza tsu tə Festus nə̀, “a mə loʼ ni zəghə wù wən abə tə mə ka dza bə nə̀ a ney tûm ndow saʼ a wi tə də̀ŋ kə Rom kə.”

Kəfwaʼ 27:24

dza tə mə nə̀, ‘Ka tsəŋ dzə a Pɔl, də̀ŋ kə Rom kə khə ni teeli saʼ wɔ. Boʼnə, fə̀ŋ i dzuŋu zey Zə̀ kə khənə, tə n ghəŋə nə̀ ghə̂ ghey adzəm wə bweynə fa nə kəfən ghi ghə, wù ghə umɔʼ i kpu way.’

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 28:28

Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 11:13

N dza n baa ghɔɔmə bə nya tə ghaa ghən ghaa way ghə̂ a Təjuu ghə. Nghee tə̀ Zə̀ kə sàynə mə nə̀ n doʼo ngəd ə Klisto tə ghaa, n fuu zɔŋŋə kə wi n fwaʼ kən tə fuunə tə mə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 9:16

I loʼ nə̀, n khə way ni tsɔbə fə̀ŋ abə n naʼlənə tûm i dzuŋu zə n təŋkey n khə ni naʼa tûm i tii zə. Mə i keeli ngoʼ abə n ka naʼa tûm i dzuŋu zən.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

2 Timoti 2:4

Sawgoʼ i loʼ i way dzə nə̀ i nam fwaʼanu, i fuu may ndownə wû u wi wə n muu i ghə̂ ghən ghə way sawgoʼ tə. I wi i loʼ kə ni ghəŋə ghəə zey i kpiilənə tə wù nii wi.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”