Kəfwaʼ 8:9 - Kaa n Kəzə̀ n fəghə mə

⁹ Wù loʼ n loʼ fu tii n naʼ i Samaria ghə â tɔŋŋə nə̀ a loʼ Shimun, tə n ghəŋŋə nə̀ ghə̂ dzuu zə i zum ghə̂ ghə n fənnə zey tə â ghəŋŋənə. Tə n kɔʼlə uwû nə i loʼ wù səŋi.

Kəfwaʼ 8:9 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Kəfwaʼ 13:6

Ghə n bwey tsəghə ndow mbuʼ zey dzuu dzəŋŋə naŋa kɔʼnə idzəm, bə kuum bə n naʼ i Pafos. Ghə n kpiilə bə fu ghi wù loʼ tə â ghəŋŋənə ghəə a fənnə ghə, ghə â tɔŋŋə nə̀ a loʼ Ba-Yeso, ghi wù Juu u loʼ wə tə â ghaŋŋənə wû wə nə̀ i loʼ wù tûm Kəzə̀.

Kəfwaʼ 13:8

Wù fənnə wən ghə â tɔŋŋə n ghɔɔmə i Grik nə a loʼ Elimas n kee khə̂mə ghə, ləghə soʼo ni təʼlə maʼa nə̀ kə gɔvənɔ wən nə bəghəm tûm Kəzə̀ zən.

Kəfwaʼ 5:36

Ghaa khənu nə Tiodas â nuu kɔʼ dzə fa, dza nə̀ i loʼ wù səŋi, ghə̂ ghə n nuu kwɔɔ ndow n baa wi nyiə kɔʼɔ ndow nbɔm nkaykə. Ghə n wey tsu wi, ghə̂ ghey adzəm ghə â dzûmənə wi n tyi saŋŋə i tsu, dzəŋi kə tii kə n may tən ndow sey.

Kəfwaʼ 8:11

Ghə â bəghəm tə wi boʼnə tə mâ dii kɔʼ bə ghəə a fənnə ghən tə ghə n ndəmə tənum.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

2 Timoti 3:2

Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,

2 Timoti 3:5

ghə nə nəŋŋə ghəŋŋə nə̀ ghə loʼ ghə̂ a Kəzə̀, kee tuu maʼa daʼa key kə loʼ ni ghəŋə ghə nə̀ ghə doʼo ghə̂ a Kəzə̀. Kə wə nə keeli ghə i loʼ zə ni ghəŋə ghi ndzoʼo ghə̂ ghən.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.