Kəfwaʼ 8:22 - Kaa n Kəzə̀ n fəghə mə

²² Kwey nuu bə fə̀ŋ zə n moʼlə i bəbə zən wə khənə, wə gɔŋŋə tə Mûkəbii nə tə loʼ ni neyzəə wɔ n ndzoʼo moʼlə i bəbə zən wə khənə n fə̀ŋ zə.

Kəfwaʼ 8:22 Mawu Ofanana

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 8:20

Pita n beeli ndow wi nə̀, “Wə i ləŋi dzəŋi ghi khəə wə wə̀ nghee tə wə moʼlənə nə̀ wə loʼ ni zuu naamə K-a-zə̀ nə ukhəə!

Kəfwaʼ 9:11

Mûkəbii n dza tə wi nə̀, “Bayyə kɔʼ wû wə, wə ndow n ndaw Judas tə muunə n bad kə inaʼ kən ghə tɔŋŋə nə̀ a loʼ Jìi Tsətsəghə, wə bəb tsu wù loʼ tə nuu bə n Tasus ghə tɔŋŋə nə̀ a loʼ Sɔl, tə gɔŋŋənu nyisa.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.

Chi dii 2:21

Mə n fuu wi n nəŋə zə nə̀ tə kweyyə nuu bə fə̀ŋ ə wi n ghəə a bəbə ghən tə ghəŋŋənə, à kee loʼ nə̀ tə ndɔm ləghə way ni zəghə maʼa ghəə a laŋŋə ghən tə ghəŋŋənə.