Kəfwaʼ 8:20 - Kaa n Kəzə̀ n fəghə mə

²⁰ Pita n beeli ndow wi nə̀, “Wə i ləŋi dzəŋi ghi khəə wə wə̀ nghee tə wə moʼlənə nə̀ wə loʼ ni zuu naamə K-a-zə̀ nə ukhəə!

Kəfwaʼ 8:20 Mawu Ofanana

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Matyo 15:19

N təŋkey, à loʼ n fə̀ŋ zə moʼlə tə bəbə tə shiə kɔʼɔ bənə ni ghəŋə aghəə tə̀ a loʼ, ni wey wù, ni taa zaʼ wey wə nkee num wə, ni ghəŋə ghəə a laŋŋə ghə, ni tsɔŋ, ni bad aghəə, nsə ni tsayyə wù.

Kəfwaʼ 1:18

Judas â ney kɔʼ khəə wey ghə â tsənə wi tii n bəb zey tə â ghəŋənə, zuu kɔʼ kəluʼu tii. Tə n ndow bwu sɔʼ ndow kətow fu, nəghə u wi wə n bən buʼu i kɔʼ, ndzɔ̀ɔ tə n shi doʼo may bə a bii.

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 11:17

Abə Zə̀ kə â loʼ ni fuu soʼo ghə̂ ghən ghə way ghə̂ a Təjuu ghə n naamə kə mɔʼɔ kən tə â fuunə tə saa ghən â bəghəmnə tə Mûkəbii Yeso Klisto, n laa loʼ ndee ni buu naŋa Kəzə̀ nə ka fwaʼ fwaʼ kə wi kə?”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 8:19

Tə n dza tə ghə nə̀, “Fuu bə soʼo n na mə n daʼa kən, sey nə̀, bə n gaʼ ndow wɔɔ kə n tow kə wù, wù tii n keeli Zay kə Zow kə.”

Kəfwaʼ 8:22

Kwey nuu bə fə̀ŋ zə n moʼlə i bəbə zən wə khənə, wə gɔŋŋə tə Mûkəbii nə tə loʼ ni neyzəə wɔ n ndzoʼo moʼlə i bəbə zən wə khənə n fə̀ŋ zə.

1 Timoti 6:9

Wù wən tə kee ləghənə ni kùm, à loʼ kə nyaŋi fə ighəə ni chimmə wù tii nə̀ tə ghəŋə ibəb, tə bwu soʼo nə fətsaʼ. Tsaʼ fən loʼ moʼlə tə laʼlə tən nsə moʼlə bəbə tən ghə khənə tə i ghəŋŋə nə̀ ghə nyi nə uchɔd tə ləŋi maʼa soʼo ghə.

Jems 5:3

Tsaʼ tə ishɔ̀lɔ̀ nsə tsaʼ tə itsaa tə ghaa tə n dzî doʼo. À loʼ dzî tə tii tə, tə i dza fuunə ghaa nə̀ ghaa taw n wɔɔ ghə, tə i fə wû i ghaa tə a loʼ uvəllə. Ghaa maŋa zuŋŋə kəŋŋə bə khəə mən n tsuʼu mən mbi may bənə tii kənunu.

Chi dii 18:15

Ghə̂ ghən ghə â kuum kɔʼɔ ndownə bòʼ bikiwən key ghə ghəŋŋənə n naʼ i tii zə i səŋ təmi nay ndow n təŋkey ghə tsəŋə nə̀ kə ghə nə fəʼlə soʼonə tə a loʼ wi. Ghə i deyyə, ghə mowwə soʼo.