Kəfwaʼ 8:1 - Kaa n Kəzə̀ n fəghə mə

¹ Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.

Kəfwaʼ 8:1 Mawu Ofanana

Matyo 22:6

ghə̂ a loʼ ghey n kwu tsu ghə̂ a kəfwaʼ ghey mɔm dzɔb tsu ghə nə nfən, wey maʼa tsu ghə.

Matyo 23:34

Sey, n dza bə tə̀ ghaa nə̀, mə î tûm bə ghaa n tûm tə Kəzə̀ tə, ghə̂ a tɔbə ghə, nsə ghə̂ a dii a kəlaŋ ghə. Ghaa i wey maʼa a loʼ ghə, ghaa baa a loʼ ghə n zat kə fəkaʼ, ghaa i bwɔd a loʼ ghə n Ndaw tə udzəŋi tə ghə̂ a Təjuu, ghaa i dzùm ghə naʼa tə naʼa.

Matyo 5:13

Yeso n ndow n sə kə dza tə ghə nə̀, “Ghaa loʼ tə̀ a loʼ ntsoʼ tə̀ ghə̂ a mbi ghə adzəm. Abə ntsoʼ n kee nayyə maʼa tsunə tɔb i wi zə, jìi i loʼ i kəm way ni ghəŋə nə̀ n tɔb. N nya kəm khə way fwaʼ kə, n kpii kə ni ney feeli maʼa tə̀ ghə̂ a dəʼlə nə aghow.”

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 13:36

Ghɔɔmə zən way dzə bòʼ fɔ̀ɔ Devid, n təŋkey, fɔ̀ɔ Devid mâ fwaʼ fwàʼ key Zə̀ kə a ləghə nə̀ tə fwaʼ n num tə wi. Ambə tə bə kpu tsunə, ghə tsəllə ndow wi ghi ghə bày a wi ghə, vən i wi i mâ fway nə isay.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 22:20

Nghee ghə â wey Sitifən wey tə â tiilə dza ghəə ghə ghə̀, mə â tey soʼonu fu, mə n bəghəm fu ndow nə̀ ghə wey wi. À loʼ mə, mə â keyyənə ndzə̂ tə ghə̂ ghey ghə â weynə wi.’

Kəfwaʼ 26:10

A wey bɔɔmə loʼ ghəə ghey mə â ghəŋŋənə n Yerosalem. Mə â ney kədaʼa n wɔ ghə fɔɔngili a nii ghə, kwu fii naŋa ndəmə ghə̂ a Kəzə̀ n ndaw tsaʼ. Ambə ghə tsəʼlə tsu saʼ nə̀ ghə wey ghə, mə n tsəm bəghəm soʼo nə ghə wey ghə.

Kəfwaʼ 5:18

Ghə n kwu kɔʼ ngəd tə Yeso, fii naŋa ndow ghə n ndaw tsaʼ.

Kəfwaʼ 5:20

“Ndow təmi tsu na n bii kə ndaw Kəzə̀, ghaa dza ndow tə ghə̂ a tii ghə, ghəə ghey adzəm a ghəŋŋənə nə̀ ghə keeli muu zə itsali.”

Kəfwaʼ 5:33

Ambə ghə̂ a ndaw tsə ghey zow tsunə sey, fə̀ŋ tə n fə nay ndow ghə tii, ghə n ləghə ni wey ngəd tə Yeso.

Kəfwaʼ 5:40

Ghɔɔmə i wi zə n mɔm ghə n fə̀ŋ. Sey, ghə n daŋŋə tɔŋɔ nyi bə ngəd tey, vəələ dzɔb tsu ghə nə təkwɔ̀ɔ, kii naŋa ndow ghə nə̀ kə̂ ghə nə̂ kəm ghɔɔmə kpiʼinə ghəə zə n zəd i Yeso, daŋŋə zəghə tsu ghə nə̀ ghə nuu.

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Kəfwaʼ 7:54

Ambə ghə̂ a ndaw tsə a zow tsu ghəə ghən Sətifən dzanə, ghə n ngii fəələ n fə̀ŋ tə, tsowwə asɔŋ n kow wi.

Kəfwaʼ 7:58

Ghə n kwu tsu wi, sìi nuu shi ndow wi nə inaʼ, zey ndow ni təmmə wi nə atay. Ghə̂ ghey ghə â teynə fu, tɔʼɔ zow ghəə ghey Sətifən dzanə, n tsɔʼlə kɔʼ saŋ tə ghə, naŋa ndow n səə waa fəghaŋ u loʼ wə ghə tɔŋŋə nə̀ a loʼ Sɔl.

Kəfwaʼ 8:14

Nghee ngəd tə Yeso tey n Yerosalem zow tsunə nə̀ ghə̂ a Samaria ghə n bəghəm tə tûm Kəzə̀, ghə n tûm ndow Pita ghi Jɔn n səə ghə.

Kəfwaʼ 8:2

Ghə̂ a loʼ ghə, ghə â ngii bəghəmnə tə Zə̀ kə, n ngii dey nghee ghə wey tsunə Sitifən. Ghə n boʼo vən i wi ndow tsələ ndow.

Kəfwaʼ 8:4

Sey, dzûmə tə Klisto tən ghə â saŋŋə maʼanə, n bwey kaabə ndow luʼu tədzəm, naʼlə ndow tûm i dzuŋu zə.

Kəfwaʼ 8:5

Filip n nuu tsu ndow n naʼ i loʼ zə n mboʼo Samaria, naʼlə ndow tûm i dzuŋu zə bòʼ wù wən Zə̀ kə â dza naŋa nə̀ i tûm bənu.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Roma 1:32

Ghə mgbaŋ khənu nə̀ laŋ K-a-zə̀ kə dza nə̀ ghə̂ ghən ghə ghəŋŋə ndzoʼo ghəə ghən, kpii ni kpu. Ghə u nam ndow kə n sə̂ kə ni ghəŋŋə ghəə ghən, təmə tawwə ndow soʼo ghə̂ a loʼ ghə nə ghə i ghəŋŋə soʼo ghəə a tii ghə.

Filipi 1:12

Waazə ghuŋ ghə, n ləghə nə̀ ghaa keeli tsu nə̀ ghəə ghən a shiənə n kôw mə, a ndzəmə gaamə ni ghəŋə nə̀ tûm i dzuŋu zən zaamə tə ndəm aghə̂.

Hibru 11:27

À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.