Kəfwaʼ 7:60 - Kaa n Kəzə̀ n fəghə mə

⁶⁰ Tə n bwu ndow nə anyi, dey shi kɔʼ n dzə i taw zə dza, “Mûkəbii, kə wə nə ney naŋŋənə bəb zən n tow u ghə.” Ambə tə dza tsunə sey, tə n kpu i tsu.

Kəfwaʼ 7:60 Mawu Ofanana

Matyo 27:52

Sày tə n chi shi ndòw, ndəmə vən a ghə̂ a Kəzə̀ ghey ghə â nə kpunə, Zə̀ kə n zhəm dzəŋŋə bə ghə.

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Lukas 22:41

Tə n zə̀ghə̀ tsu ghə, nyaʼi səŋŋə ndòw n ghab kə. Tə n nyaʼa tsu nə anyi, zey ndòw ni gɔŋŋə nə̀,

Lukas 23:34

Yeso n gɔŋŋə dza, “Bày neyzəə ghə̂ ghən təŋkey ghə khə way ghə zey ghə ghəŋənə.” Sawgoʼ tey n təm mboʼ ni keeli nghee tə ghə loʼnə ni dzaw ndzə tə wi tə n wû i ghə.

Lukas 6:28

I fuu buulə zə tə̀ ghə̂ ghey ghə tsɔɔmənə ghaa, gɔŋŋə tə ghə̂ ghey ghə chɔdlɔnə ghaa.

Tùm i dzuŋu zə kuum Yeso Klisto tə Jɔn â tɔɔnə 11:11

Ambə Yeso dza tsunə ghəə ghən, tə n kəm dza tsu nə̀, “Fə ə sa Lazarɔs bweelinu, n kee ndòw zhəm nuu kɔʼɔnu wi.”

Kəfwaʼ 13:36

Ghɔɔmə zən way dzə bòʼ fɔ̀ɔ Devid, n təŋkey, fɔ̀ɔ Devid mâ fwaʼ fwàʼ key Zə̀ kə a ləghə nə̀ tə fwaʼ n num tə wi. Ambə tə bə kpu tsunə, ghə tsəllə ndow wi ghi ghə bày a wi ghə, vən i wi i mâ fway nə isay.

Kəfwaʼ 20:36

Ambə Pɔl khəə tsunə sey, tə n tsu nyaʼa tsu ghi ghə̂ ghey adzəm, ghə n gɔŋŋə tsu.

Kəfwaʼ 21:5

Ambə nəŋə i ghey i nuulə i kpii tsunə, ghey n zey ndow nə̀ u nuulə wə. Ghə adzəm, ghey a ghə nsə waa a ghə ghə n nuu shi bə inaʼ ni bə tənə naŋa ghey n nguŋ ə dzuu. Ghey n tsu nyaʼa tsu fu ghi ghə, gɔŋŋə tsu.

Kəfwaʼ 9:40

Pita n kuŋŋə dza kə tə ghə nə̀ ghə nuu shi ndow a bii ghə adzəm. Tə n təm ndow tənguʼ aghəd, gɔŋŋə i tsu. Tə n khə̀mə ndow uwû n bad key vən zey zə â nyə̀ŋnə tii, dza tsu nə̀, “Tabita, nuu kɔʼ!” Tə n chi kɔʼ sə̂ a wi, nghee tə koʼ kɔʼnə Pita, tə n nuu doʼo i kɔʼ.

1 Kɔrint 11:30

À wey loʼ ghə i tii zə ndəmə aghə̂ n fəŋŋə kə ghaa loʼnə nə̀ ghə khə way nuŋ wə, dzaŋa, à loʼ ghə a loʼ nə̀ ghə n kpuulə.

1 Kɔrint 15:18

Abə ghəə a tii a ndzəm loʼnə sey, i sey dii nə̀ ghə̂ ghən ghə a kpunə nə̀ ghə bəghəm tə̀ Klisto â sey kpu nə kənunu.

1 Kɔrint 15:20

Isəŋə kee loʼ nə̀, Zə̀ kə mâ zhəm dzəŋŋə bə Klisto nə ivə, dii tsu nə̀ ghə̂ a kpu ghə i zhəm dzəŋŋə bə soʼonu nə ivə.

1 Kɔrint 15:51

Koʼo n na! N dza n chi dii bə ghaa nə̀ isəŋə i loʼ zə, zə â nyi doʼonə. I loʼ nə̀, à way dzə saa ghən adzəm saa loʼnə dzûmə tə Klisto tə, saa i kpuunə, Zə̀ kə nə kee maŋa nuu kwey kɔʼɔ kə wû i saa.

1 Kɔrint 15:6

Ambə tsuʼu n loʼ n tsəghə tsunə, tə n kəm dii soʼo wû u wi tə̀ dzûmə tə wi tə nə̀ ghə dzəŋi doʼonu nə̀ ghə n tsəghəshi bɔm mə ntaa. Ndəmə dzûmə tə Klisto tən tə â diinə wû wə tə̀ ghə nam loʼnu utaw nya, a loʼ ghə a loʼ nə̀ ghə n kpu.

1 Tesalonika 5:10

Yeso â kpu n tow u saa sey nə̀ abə saa loʼ kə utaw nkee saa kpunə, saa i loʼ dzəŋi ghi wi abə tə̀ i bənə.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.

2 Pita 3:4

Ghə nə bəbə nə̀, “N dza Yeso mâ dza naŋa nə̀ tə i kəm bəghənu ə? Tə ghee?” Ni ney nuu bə tə̀ mbi a nə kaʼnə, ghə bày bày a saa ghə n bə kpuulə, aghəə adzəm a ndow kə ighələ tə ghə â loʼnə nə nzeyyə.