Kəfwaʼ 7:56 - Kaa n Kəzə̀ n fəghə mə

⁵⁶ Sey, tə n dza tə ghə nə̀, “Koʼo na! N koʼo ndow bikighow kə chi doʼonə, mə n koʼo ndow soʼonə Waa Weynum tə teynə fu n kpi u Kəzə̀ u təmmə wə.”

Kəfwaʼ 7:56 Mawu Ofanana

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Malakus 1:10

Ambə tə nuu shiə kɔʼɔ bənə nə mmuu, tə n koʼ bikighow kə chi shi ndòwnə, Zay kə Zow kə n tsu bə idəŋ n kow wi n wû u kəfə̀.

Lukas 3:21

Ambə ghə̂ adzəm a ney kɔʼ mmuu n Kəzə̀ mə, Yeso n bə soʼo ni bə ney mmuu n Kəzə̀. Nghee tə Yeso ney kɔʼnə mmuu n Kəzə̀ mə, tə n kaʼ ndòw ni gɔŋŋə. Ambə tə gɔŋŋənə, bikighow kə n chi tsu,

Tùm i dzuŋu zə kuum Yeso Klisto tə Jɔn â tɔɔnə 1:51

Tə n kəm dza ndòw tə̀ wi nə̀, “N dza bə isəŋə tə̀ ghaa nə̀, ghaa i koʼo bikighow kə chi shi ndownə, tsətəndəghə tə Kəzə̀ tə i kɔʼɔ, tsuu n kow Waa Weynum.”

Kəfwaʼ 10:11

N jim u tii wə tə n koʼ ndow bikighow kə chi shi ndownə, fə kə loʼ kə tə a loʼ igham n shiə tsuu bə aghəlitsə, nə̀ ghə zəghə tsuu bə n ngaŋŋə tə tii tə təkaykə.

Kəfwaʼ 10:16

Dzə̂ ə tii n dza kuulə kə ghə i mɔ̀ʼɔ zə tə wi tənəŋə tətəghə, gham i tii zə n daŋŋə nuu dzəŋŋə kɔʼ ndow idəŋ n bikighow.

Kəfwaʼ 7:57

Ambə tə ghɔɔmənə sey, ghə n bɔ̀m naŋa tsu tuŋŋə u ghə, kaʼ ndow ni buʼlə mbɔŋ, dzəŋi kwɔ̀ɔ ndow n səə wi.

Chi dii 11:19

Ndaw Kəzə̀ i nii zə idəŋ n daŋŋə chi kɔʼ. Mə n koʼo nyiə ndow tətaalə kə nkaa n wi fu tii. Ghow zə n mwaalə, kwɔɔ, kəmmə, ghəlikətsə kə n noʼlə nə kədaʼa, tətay mə n ngii tsɔʼlə soʼo.

Chi dii 19:11

Mə n koʼ ndow bikighow kə chi kɔʼnə, mə koʼ tsu soʼo khinyam kə fəmə kə, kə teynə n sə kuŋ. Zəd i wù wey tə â nyəŋənə khinyam kə tii kə n loʼ nə̀ a loʼ Wù wey tə naŋŋə dzuu i wi zə, nsə Wù wən tə dzanə isəŋə. Tə saʼa n jìi zey i kpiinə, zuulə soʼo tsam n jìi zey i kpiinə.

Chi dii 4:1

Ambə n koʼ may tsu ghəə ghən, mə n kəm keeli jim u loʼ wə, n jim u tii wə, mə n koʼ fuʼ u ndaw u chi doʼonə idəŋ. Mə zow ndow dzə i loʼ zə i ghɔɔmə bə nə tə mə, nə̀ i fuŋu tə a loʼ isɔŋ, zə n dza nə̀, “Kɔʼ bə fa tə n dii bə wɔ n ghəə ghən a khə ni teeli shi.”