Kəfwaʼ 7:2 - Kaa n Kəzə̀ n fəghə mə

² Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Kəfwaʼ 7:2 Mawu Ofanana

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 12:41

Ayzaya â dza sey kùm nə̀ tə mâ koʼ zey ghaʼ i Yeso zə, tə n dza naŋa bə aghəə bòʼ wi.

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 23:7

Ambə tə dza tsu ghəə ghən, ghə̂ a tə Falasi ghə n kaʼ ni tsowwə ghɔɔmə ghi ghə̂ a Sadusi ghə. Ndaw tii n nuu dzawwə doʼo tsu.

Kəfwaʼ 7:1

Fɔɔngili u nii nii wə n bəb ndow tə Sətifən nə̀, “Ghəə ghən ghə kwɔɔnə wɔ tii, a loʼnu isəŋə ə?”

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Jems 2:1

Waazə ghuŋ ghə, kə ghaa nə badlanə kpey wə nghee ghaa khənə bəghəmnə i fə̀ŋ zə n kow Mûkəbii saa Yeso Klisto wən tə khənə kɔʼlə mə.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”