Kəfwaʼ 6:7 - Kaa n Kəzə̀ n fəghə mə

⁷ Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Kəfwaʼ 6:7 Mawu Ofanana

Matyo 19:30

À kee loʼ nə̀, ndəmə ghə̂ ghey ghə loʼnə sə kə nya nə̂ bə doʼlə ibam, aghey ghə doʼo guŋŋənə nya, ghə nə̂ bə doʼo ghə̂ a kəsə̂.”

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

Tùm i dzuŋu zə kuum Yeso Klisto tə Jɔn â tɔɔnə 12:42

Nghee ghə̂ a Təjuu ghə â tuu kənə ni bəghəm fuu tə̀ Yeso, ndəmə ngəd tə ghə tə loʼ tə n nam bəghəm fu ndow tə̀ wi, ghə n kee tsəŋə ghaʼa ni dii shi ndow iwû nə̀ kə̂ ghə̂ a tə Falasi a nə dzum shiənə ghə n ndaw kədzəŋi ə ghə̂ a Təjuu.

Kəfwaʼ 12:24

Taŋ a ghə̂ ghey ghə â bəghəmnə ghɔɔmə i Kəzə̀ zə n kee nyîmmə kɔʼɔ ndow, ghɔɔmə i Kəzə̀ zə n zaamə ndow soʼo nghee tə ghə â naʼlə nduŋŋə ndownə.

Kəfwaʼ 13:8

Wù fənnə wən ghə â tɔŋŋə n ghɔɔmə i Grik nə a loʼ Elimas n kee khə̂mə ghə, ləghə soʼo ni təʼlə maʼa nə̀ kə gɔvənɔ wən nə bəghəm tûm Kəzə̀ zən.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 19:20

Seykə, ghɔɔmə i Mûkəbii zə zaamə ndow, taŋa ghə̂ ghey ghə â bəghəmnə nyîmmə kɔʼɔ ndow soʼo.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Galeshia 1:23

Ghə mâ kee zow kənu ghə dzanə nə̀, “Wù wən tə â chɔdlɔnə ghey ghən ghey bəghəm nə tə Yeso, nya kəm naʼlə tûm i dzuŋu zən tə â ləghə ni bəəbə maʼa.”

Galeshia 6:10

À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Màʼlə kə Jud tə̀ ghə̂ a Kəzə̀ ghə 1:20

Abə ghaa a waazə ghuŋ a dzuŋu ghə, ghaa dəm tsu kə ni bəghə kɔʼ bə bəghəm i fə̀ŋ i ghaa. I gɔŋŋə na n daʼa key Zay kə Zow kə fuunə tə ghaa.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.