Kəfwaʼ 6:5 - Kaa n Kəzə̀ n fəghə mə

⁵ Ghə̂ adzəm n ngii ləghə saalə kən ngəd tə Yeso tə fuu bənə. Sey, ghə n sày kɔʼ Sitifən, tə a ngii khə bəghəm i fə̀ŋ zə, Zay kə Zow kə n loʼ soʼo n kow wi. Ghə sày kɔʼ soʼo, Filip, Prokorus, Nikanɔ, Timɔn, Paminas, nsə Nikɔlɔs tə â nuu bənə n Antyɔk tə â bəghəm tsəghə dzənə tə ghəə a Kəzə̀ a ghə̂ Təjuu ghə.

Kəfwaʼ 6:5 Mawu Ofanana

Matyo 23:15

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə təŋkey, ghaa loʼ ghə nəb ityim. Ghaa daŋa kɔʼɔ tədzuu nsə naʼa tə ni ndòw kweyyə kɔʼ wù umɔʼ nə̀ tə bəghəm tə̀ Zə̀ kə. Ambə tə bəghəm kɔʼnə tə̀ Zə̀ kə, ghaa n kəm ghəŋə tsu wi, tə n fəd kpii ni ndow n luʼu key ghə chɔdlɔnə ghə̂ ghə a tii tsəghəshi wû i ghaa.

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 11:22

Zɔŋ u tii wə n fuŋ ndow nyi ndow n wɔ dzûmə tə Klisto tey n Yerosalem. Dzûmə tə Klisto tən n Yerosalem n tûm ndow Banabas nə tə ndow n Antyɔk.

Kəfwaʼ 11:24

Banabas â loʼ wù dzuŋu, Zay kə Zow kə n loʼ ghi wi naʼ idzəm, tə n ngii khə soʼo bəghəm i fə̀ŋ. Sey, tə n loʼ ni naʼa tûm i dzuŋu zə n jìi zey i ghəŋŋənə nə̀ ndəmə aghə̂ a kweyyə nuu bə n ghəə a bəbə ghə, ghə bəghəm tə Mûkəbii.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 21:8

Tsətsə wey, ghey n zəghə tsu fu, ndow bə n Kayserya, nyi ndow n ndaw fɔɔngili Filip, tə â loʼnə wù umɔʼ n ghə̂ ghey asəghəmbəghə ghə â say kɔʼ n Yerosalem ni gaamə bə ghey ni dzaw ufəzəə.

Kəfwaʼ 22:20

Nghee ghə â wey Sitifən wey tə â tiilə dza ghəə ghə ghə̀, mə â tey soʼonu fu, mə n bəghəm fu ndow nə̀ ghə wey wi. À loʼ mə, mə â keyyənə ndzə̂ tə ghə̂ ghey ghə â weynə wi.’

Kəfwaʼ 6:10

Ghə n dəm kii ni ghɔɔmə baalə ghi wi bòʼ tɔb wey Zay kə Zow kə â fuunə tə wi.

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Kəfwaʼ 6:8

Sətifən â loʼ wù nə Zə̀ kə n fuu wi n ndzuŋ nsə daʼa kə naʼ idzəm. Tə n ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂.

Kəfwaʼ 7:1

Fɔɔngili u nii nii wə n bəb ndow tə Sətifən nə̀, “Ghəə ghən ghə kwɔɔnə wɔ tii, a loʼnu isəŋə ə?”

Chi dii 2:15

N jii i mɔʼɔ zə, ghaa khə soʼonu ghə̂ ghə, ghə dzûmənə ghəə ghən Nikolus â diinə.

Chi dii 2:6

Wə kee khənu ghə i dzuŋu i loʼ zə wə ghəŋŋənə. Wə baa ghəə ghey dzûmə tə Nikolus tə ghəŋŋənə, ighələ tə n baa soʼonə.