Kəfwaʼ 6:3 - Kaa n Kəzə̀ n fəghə mə

³ Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Kəfwaʼ 6:3 Mawu Ofanana

Matyo 23:8

Kə wù ghaa u loʼ u nə kee bəghəmnə nə̀ ghə tɔŋɔ wi nə̀ a loʼ, ‘Wù dii’, n təŋkey, ghaa loʼ awaazə, ghaa khə kə wù dii umɔʼ.

Tùm i dzuŋu zə kuum Yeso Klisto tə Jɔn â tɔɔnə 21:23

Zɔŋ wə n fuŋ nay ndow n fəŋŋə kə ghə̂ ghey ghə â bəghəmnə tə̀ Yeso nə̀, ngəd zən i kpu way, loʼ sey nə̀ Yeso â ka dza dzə tə Pita nə̀ ngəd ə tii nə kpu way. Tə â fəd dza nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee?”

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 1:21

Sey, i loʼ nə wù umɔʼ n ghə̂ ghən ghə â loʼ dzəŋi ghi saa n nəŋə zey Yeso a nam loʼnə n fəŋŋə kə saa, khə ni teeli təmdzəŋi bə saa ni ney bùʼ kə Judas.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 16:2

Dzûmə tə Klisto tey n Listra nsə n Ikonum â ngii kali Timoti bòʼ mwam u wi.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 22:12

Wù loʼ n loʼ fu n Damaskus ghə â tɔŋŋə nə̀ loʼ Ananyas. Tə n ndzəmə fuu nkɔʼlə tə Zə̀ kə, naŋŋə dzɔbə laŋ kə Mushi. Ghə̂ a Təjuu ghey fu adzəm n ngii fuu wi n ngɔɔmə zə.

Kəfwaʼ 28:14

Ghey n bə koʼ bə dzûmə tə Klisto tə loʼ tə fu, ghə n dza nə̀ ghey muu doʼo tsu iwən ghi ghə. À wən loʼ nghee ghey â bweynə tii ni bə nyi n naʼ i Rom.

Kəfwaʼ 6:2

Sey, ngəd tə Yeso tən ighəm n ghii tə təbəghə n tɔŋɔ naŋa bə dzûmə tə Klisto tədzəm dza nə̀, “I ka kpii dzə tə saa ni buu naŋa tsu ni dii ghɔɔmə i Kəzə̀ zə, saa təŋə doʼo ndow n ghəə ghə ufəzəə.

Kəfwaʼ 6:5

Ghə̂ adzəm n ngii ləghə saalə kən ngəd tə Yeso tə fuu bənə. Sey, ghə n sày kɔʼ Sitifən, tə a ngii khə bəghəm i fə̀ŋ zə, Zay kə Zow kə n loʼ soʼo n kow wi. Ghə sày kɔʼ soʼo, Filip, Prokorus, Nikanɔ, Timɔn, Paminas, nsə Nikɔlɔs tə â nuu bənə n Antyɔk tə â bəghəm tsəghə dzənə tə ghəə a Kəzə̀ a ghə̂ Təjuu ghə.

Kəfwaʼ 6:6

Ghə n ney teyyə naŋa shi bə ghə̂ ghən asəghəmbəghə n sə kə ngəd tə Yeso tey, ghə n gɔŋŋə tə ghə, gaʼ ndow awɔɔ n tow u ghə.

Kəfwaʼ 9:30

Ambə dzûmə tə Klisto tə zow tsu ghəə ghən, ghə n ney ndow Sɔl n Kayserya, tûm nuu ndow wi n Tasus.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 16:3

Abə mə i bənə, mə i tɔ̀ɔ tsu màʼlə kə dzuŋu kə n tow u ghə̂ ghey ghaa i sày kɔʼɔnə, n fuu tsu tə̀ ghə nə̀ ghə ndow fuu ndow gaamə zən n Yerosalem.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

3 Jɔn 1:12

Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.