Kəfwaʼ 6:14 - Kaa n Kəzə̀ n fəghə mə

¹⁴ Ghey â zow wi tə dzanə nə̀ Yeso wù Nazared wən i saʼa maʼanu Ndaw Kəzə̀ ə saa zən, tə kwey kɔʼ soʼo ghəə ghə inaʼ ghən Mushi a fuu naŋanə tə̀ saa.”

Kəfwaʼ 6:14 Mawu Ofanana

Matyo 26:61

dza nə̀, “Wù wən â dza nə̀, ‘N loʼnu ni saʼ maʼa tsu Ndaw Kəzə̀ i nii zən n Yerosalem, n kəm bəghə dzəŋŋə kɔʼ nə ntsuʼu ntəghə.’”

Malakus 14:58

“Ghey a zow tə dzanə nə̀, ‘Mə i sàʼa maʼa tsuu ndaw Kəzə̀ i nii zən n Yerosalem, ghə̂ ghə â bɔmnə, n kəm bəghə dzəŋŋə kɔʼ i nuu zə nə ntsuʼu ntəghə nə̀ a ka wù sɔŋtsuʼ bəghə dzə.’”

Lukas 21:24

Ghə nə weyyə aghə̂ nə təkɔb, ghə nə kwu nuu ndow ghə̂ a loʼ ghə tə a loʼ ghə̂ a ndaw tsaʼ n naʼa tə ghə̂ ghən ghə ka bəghəm tə̀ Zə̀ kə. Ghə̂ ghən ghə ka bəghəm tə̀ Zə̀ kə i chɔd Yerosalem ni ndow kùm n nəŋə zey Zə̀ kə bəghəm naŋanə.

Lukas 21:6

“Ghaa koʼonu fə u wən sa, nəŋə i bəghənu ghə nə beeli maʼa nə̀, itay imɔʼ nə ka kuulə doʼo n kow waazə.”

Tùm i dzuŋu zə kuum Yeso Klisto tə Jɔn â tɔɔnə 2:19

Yeso n dza ndòw tə̀ ghə nə̀, “Saʼa maʼa tsu na Ndaw Kəzə̀ zən, mə i bəghə dzəŋŋə kɔʼ nə ntsuʼ ntəghə.”

Tùm i dzuŋu zə kuum Yeso Klisto tə Jɔn â tɔɔnə 4:21

Yeso n dza ndow tə wi nə̀, “Iwaa, bəghəm ghəə zey n dzanə, nəŋə i bəghənu, ghə nə ngɔɔmə tənnə way Zə̀ kə fa n kaʼ wən nkee n Yerosalem.

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 21:21

Ghə mâ dza tə ghə nə̀ wə dii kaabə ghə̂ a Təjuu ghən adzəm ghə muunə n naʼa tə ghə̂ ghən ghə way ghə̂ a Təjuu ghə nə̀ ghə zəghə maʼa laŋ kə Mushi. Ghə mâ zow soʼo nə̀ wə tuu nə̀ kə ghə nə səghənə tyi u waa a ghə ghə, ghə ka tsəm naŋa soʼo ghəə ghə inaʼ a ghə̂ a Təjuu ghə.

Kəfwaʼ 25:8

Pɔl n tuu ghəə ghey adzəm ghə kwunə wi tii, dza nə̀, “N ka laŋ kə ghə̂ a Təjuu kə loʼ kə zaʼ dzə, n ka ghəŋə bəəbə ghə i loʼ zə n ndaw Kəzə̀ n Yerosalem, n ka dza bəəbə soʼo ghə i loʼ zə tə dəŋ kə Rom kə.”

Kəfwaʼ 26:3

boʼnə wə tɔʼ khənu ghəə ghə inaʼ a ghə̂ a Təjuu ghə nsə ghəə ghey a ghəŋŋənə nə̀ ghə̂ a ka bəghəm dzəŋi. N buʼu kəwɔɔ tə wɔ nə̀ wə kow tsu fə̀ŋ, wə zəllə tsu ghɔɔmə zuŋ.

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Galeshia 3:19

Abə a loʼ sey, Zə̀ kə â fuu laŋ kən nə a loʼ kee? Zuŋ key Zə̀ kə â fuunə laŋ kə â loʼ ni dii tə ghə nə̀, ghə ghəŋŋə ghəə a bəbə ghə ni bə kuum bə n nəŋə zey Yeso, tɔŋɔ waa wey Zə̀ kə a dza naŋanə nə̀ i tûm bənu â bənə tii. À loʼ tsətəndəghə tə Kəzə̀ tə â bə fuunə laŋ kə tə Mushi tə loʼ wù wən tə təmə dzəŋi ghə̂ ghə ghi Zə̀ kə.

Galeshia 3:23

Ni bə kuum n nəŋə zey ghey â kaʼ ni keeli bəghəm i fə̀ŋ tii n kow Klisto, â loʼ kəlaŋ kə â keyyənə ghey. Saa â loʼ tə a loʼ ghə̂ a ndaw tsaʼ ni ndow kuum n nəŋə zey saa â keelinə bəghəm i fə̀ŋ zə tii.