Kəfwaʼ 6:1 - Kaa n Kəzə̀ n fəghə mə

¹ Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Kəfwaʼ 6:1 Mawu Ofanana

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 2:41

Ndəmə aghə̂ n bəghəm ghɔɔmə i wi, ney mmuu n Kəzə̀. Taŋ a ghə̂ ghey ghə â bəghəmnə tə Yeso n tsuʼ fə tii fə n loʼ tə a loʼ aghə̂ təkam tətəghə.

Kəfwaʼ 2:45

Ghə n fiilə fə wey ghə â khənə, ney khəə u tii wə dzaw fu ndow tə ghə̂ ghey ghə laʼanə fə kə.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 4:35

Ghə n bə fuu naŋŋə bə khəə u tii wə tə ngəd tə Yeso tə, ghə n ney dzawwə fuu ndow tə ghə̂ ghə tə ghə koʼonə fə key ghə laʼanə.

Kəfwaʼ 4:4

À kee loʼ nə̀ ndəmə ghə̂ ghey ghə â zownə ghɔɔmə i ghə zə, n bəghəm fuu. Taŋ a ghə̂ ghey ghə â bəghəmnə tə Yeso n dzəŋi nyiə kɔʼɔ ndow təkam tətaa.

Kəfwaʼ 5:14

Taŋ a ghə̂ ghey ghə â bəghəmnə tə Mûkəbii n kuu kpiʼi kɔʼɔ ndow, gheyzən ghə n loʼ tii nsə gheynum ghə.

Kəfwaʼ 5:28

Ghey mâ tɔʼ kii naŋa ghaa nə̀ kə̂ ghaa nə̂ kəm dii ghə̂ ghə n ghəə ghə n zəd i wù wən, ghaa u nam ndow kə n sə̂ kə ni dii ghəə ghə kuum wi n naʼ i Yerosalem idzəm. Ghaa ləghə ni ghəŋə nə̀ i doʼo tsu nə̀ ghey khə kəwɔɔ n və i wi.

Kəfwaʼ 6:2

Sey, ngəd tə Yeso tən ighəm n ghii tə təbəghə n tɔŋɔ naŋa bə dzûmə tə Klisto tədzəm dza nə̀, “I ka kpii dzə tə saa ni buu naŋa tsu ni dii ghɔɔmə i Kəzə̀ zə, saa təŋə doʼo ndow n ghəə ghə ufəzəə.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Kəfwaʼ 9:29

Ghɔɔmə i wi zə n bəghəm dzəŋi way ghi ghə̂ a Təjuu ghey ghə a ghɔɔmənə ghɔɔmə i Grik zə. Sey, ghə n kee kəŋə jii ni wey wi.

Kəfwaʼ 9:39

Pita n daŋŋə bayyə tsu uwû, nuu dzəŋi ndow ghi ghə. Ambə tə ndow kuum tsunə fu, ghə n ney kɔʼ ndow ghi wi n dzuu i ndaw zey i doʼo kɔʼ ndow idəŋ. Ghey a kpusə adzəm n dzəŋ tsəghə kɔʼ wi, dey, dii ndow wi n ndzə tey Dɔkas â təmnə tə ghə nə tə nam loʼ utaw.

Kəfwaʼ 9:41

Pita kwu tsu wɔɔ kə wi, tɔɔmə kɔʼ wi nə̀ tə nuu təmi kɔʼ idəŋ, daŋŋə tɔŋɔ nyi dzəŋŋə bə dzûmə tə Klisto tey fu tədzəm nsə ghey a kpusə ghey fu, fuu tsəghə ndow wi tə ghə nə tə loʼ utaw.

Roma 12:7

Abə Zə̀ kə fuu wɔ n naamə kə ni gaamə dzûmə tə Klisto, wə n gaamə ndow ghə n fə̀ŋ zə idzəm, nə̀ tə fuu wɔ n naamə kə ni dii dzûmə tə Klisto, wə n dii ndow n fə̀ŋ zə idzəm.

1 Kɔrint 10:10

Kə̂ ghaa nə̂ sənnə ghɔɔmənə Zə̀ kə. Ghə̂ a ghə a loʼ ghə â sənnə ghɔɔmə sey, tsəndəghə ə Kəzə̀ zey i ləŋi maʼanə ghə̂ ghə n bə wey maʼa tsu ghə.

2 Kɔrint 11:22

Ghə dza nə̀ ghə loʼ ghə̂ a Hibru ə? N loʼ soʼo wù Hibru. Ghə dza nə̀ ghə loʼ ghə̂ ghə Izree ə? N loʼ soʼo wù Izree. Ghə dza nə̀ ghə loʼ waa a waa ghə Abraham ə? N loʼ soʼonu waa waa Abraham.

Filipi 3:5

Ghə â səghə tyi kuŋ nə̀ n nam loʼ ntsuʼu ifam tə̀ ghə ji tsu mə. N shi n naʼ zə Izree, n sad i kəbii i Benjamin, wù Hibru jinə. Abə a dza i ney bə n ghəə a laŋ kə ghə̂ a Təjuu, n loʼ wù Falasi.

1 Timoti 5:3

I laalə tə ghey a kpusə ghən ghə ndzəm khə way wù ni laalə tə ghə.

1 Timoti 5:9

Kə wə i tɔ̀ɔ zəd i weyzən ə kpusə n màʼlə kə ghey a kpusə nə̀ tə ka kɔʼ kuum num tə nghəm ntuubə. Tə khə ni loʼ soʼo nə̀ tə â ney kə nûm umɔʼ.

Hibru 13:1

Ghaa ndow kə na n sə kə ni ləghə wû i ghaa zə tə̀ a loʼ awaazə.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

Jems 5:9

Waazə ghə, kə ghaa nə̂ bəghəm nə̀ zuu zə i shiə n fəŋŋə kə ghaa, nə à way sey Zə̀ kə i saʼ ghaa. I loʼ sey n təŋkey, nəŋə i wù wey tə i saʼanə mbi zən ni bə n shɔd.