Kəfwaʼ 5:5 - Kaa n Kəzə̀ n fəghə mə

⁵ Ambə Ananyas zow tsu ghəə zən, tə n bwu bə aghəd, kpu i ndow. Tsəŋ zə n kwu ghə̂ ghey adzəm ghə â zownə ghə zey i shinə ghi Ananyas.

Kəfwaʼ 5:5 Mawu Ofanana

Kəfwaʼ 13:11

Wə n ghəŋŋə, Zə̀ kə n fəələ nəghə wə ghi wɔ, wə i fəbə doʼlə kəŋŋə ndownu n tsuʼu n loʼ mə, wə i way ni buʼ koʼ luʼu tə zow tə.” Nghee tə dza tsunə sey, kədzəd nsə ləm kə n daŋŋə bwu bə n sə̂ a Elimas. Tə n zey ni laʼ mɔmmə kaabə tsə ufə n wɔɔ, kəŋə wù tə loʼ ni tali ndow wi.

Kəfwaʼ 2:43

Ngəd tə Yeso tə n ghəŋŋə ndəmə ghəə a faalə ghə nsə ghəə a zum ghə idzuu ghə, sey, aghə̂ adzəm ghə n khə tsəŋ i Kəzə̀ n fə̀ŋ tə ghə.

Kəfwaʼ 5:13

Wù umɔʼ n fəŋŋə kə ghə̂ ghey ghə â way dzəŋi ghi dzûmə tə Klisto tə n khə way fə̀ŋ ni təmdzəŋi ghə, loʼ sey nə̀ ghə̂ ghə â mgbaŋ khə ghə nə a loʼ ghə̂ a səŋi ghə.

1 Kɔrint 4:21

Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 13:2

N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

Chi dii 11:13

N nəŋə i tii zə kə, ghəlikətsə kə daŋŋə noʼlə tsu nə kədaʼa. Bat kəmɔʼ nə tədzawwə ighəm tə loʼnə ighələ n naʼ i tii zə məllə nyi tsu ndow, ghə̂ ghə n kpu soʼo tii təkam təsəghəmbəghə. Tsəŋ zə i faalə zə n kwu ghə̂ a loʼ ghey ghə â ka kpu, ghə n ngii fuu nkɔʼlə tə Zə̀ kə idəŋ kə.

Chi dii 11:5

Abə wù moʼlə tsu ni nyîmmə ghə, vəllə wə i shi bə n dzuu a ghə, u ləŋi maʼa ghə̂ a təngəmə a ghə. À wən loʼ jìi zey ghə i weynə wù wey tə fòʼlə tsu ni nyimmə ghə.