Kəfwaʼ 5:42 - Kaa n Kəzə̀ n fəghə mə

⁴² Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Kəfwaʼ 5:42 Mawu Ofanana

Lukas 21:37

N tsuʼu n tii mə, Yeso n dii zeeli ndow aghə̂ n Ndaw Kəzə̀ i nii zə n Yerosalem, à n bə n nəŋə i fənə tə, tə n ndow bweeli ndow n kaʼ u Olive.

Lukas 22:53

Mə̀ â mgbaŋ loʼ tsə ghi ghaa n Ndaw Kəzə̀ i nii zə n Yerosalem tsuʼu ndzəm ghaa n way ni kwu mə. À wən kee loʼ nəŋə i ghaa ni kwu mə, n təŋkey, a loʼ nəŋə zey daʼa kə avəətsəə kə fwaʼanə.”

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 13:32

Ghey nya fa bə ni naʼa bə tûm i dzuŋu zə tə ghaa bòʼ təb kən Zə̀ kə â təb naŋanə tə ghə bày bày a saa ghə.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 20:20

Ghaa khənu nə̀ mə â ka səm koʼ tsə ni tsə̀ ghaa n ghəə zey i khə ni gaamə ghaa nghee mə â dii tsə ghaa n sə kə aghə̂ nsə n ndaw tə ghaa.

Kəfwaʼ 4:20

Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”

Kəfwaʼ 4:29

Mûkəbii, koʼo nghee ghə biinə ghey tii, ghəŋə tsu nə̀ ghə̂ a kəfwaʼ ghə a keeli tsu fə̀ŋ ni dəb ə naʼlə ghɔɔmə zə zə̀ nə ghə khə way tsəŋ zə.

Kəfwaʼ 8:35

Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.

Kəfwaʼ 8:5

Filip n nuu tsu ndow n naʼ i loʼ zə n mboʼo Samaria, naʼlə ndow tûm i dzuŋu zə bòʼ wù wən Zə̀ kə â dza naŋa nə̀ i tûm bənu.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

Galeshia 1:16

tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.