Kəfwaʼ 5:41 - Kaa n Kəzə̀ n fəghə mə

⁴¹ Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Kəfwaʼ 5:41 Mawu Ofanana

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 5:21

Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Jems 1:2

Waazə ghə, ghaa khə ni duʼlə nəŋə tədzəm abə ghaa buʼu keeli kənə lii tə nchɔd tə,

3 Jɔn 1:7

Boʼnə à loʼ n zəd i Klisto ghə â bwey fwaʼanə fwaʼ kən, nə ghə ney way fə kə n wɔ ghə̂ ghən ghə bəghəm way tə̀ Klisto