Kəfwaʼ 5:32 - Kaa n Kəzə̀ n fəghə mə

³² Ghey loʼ ghə təmi tiilə n ghəə ghən, ghey nsə Zay kə Zow kə, kə loʼnə naamə K-a-zə̀ kə tə ghə̂ ghey ghə zownə tə wi.”

Kəfwaʼ 5:32 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 10:44

Nghee Pita nam ghɔɔmənə, Zay kə Zow kə n tsu bə n kow ghə̂ ghey adzəm ghə zəllənə tûm wi.

Kəfwaʼ 13:31

Ambə Zə̀ kə ghəŋŋə nə̀ tə zhəm dzəŋŋə bə nə ivə, tə n ghəŋə nə̀ ghə̂ ghey ghə â bwey dzəŋinə ghi wi nghee tə a nuu tsunə n Galili ni ndow n Yerosalem nə ghə koʼ wi n ndəmə tənəŋə. À nya loʼ ghə, ghə təmi tiilənə bòʼ wi tə ghə̂ ghə Izree ghə.

Kəfwaʼ 15:28

Zay kə Zow kə n ghəŋə nə̀ ghey koʼ nə̀ ghey khə way ni ngii fəmmə ghaa n ndəmə ndəmə tə ulaŋ, ghey u ndzəm koʼ soʼonə sey. Laŋ wey u kpiinə tə ghaa ni naŋa a loʼ kə nə̀,

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 5:29

Pita nsə ngəd tə Yeso tə loʼ tey n beeli ndow ghə nə̀, “Ghey teeli zow kə tə̀ Zə̀ kə, à way dzə tə̀ wù sɔŋtsuʼ!

Roma 8:16

Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

2 Kɔrint 13:1

À wən nya loʼ tənəŋə tətəghə n bwey bəghənə n səə ghaa. Màʼlə K-a-zə̀ kə dzanə, “Kə̂ ghaa nə̂ kwɔɔnə wù nə ighəə, à may kə nə̀ ghə̂ abəghə nkee atəghə bə təmi tiilənu n ghə i tii zə.”

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.