Kəfwaʼ 5:21 - Kaa n Kəzə̀ n fəghə mə

²¹ Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Kəfwaʼ 5:21 Mawu Ofanana

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Lukas 22:66

Ambə tsuʼ u zow tsunə, ngəd tə inaʼ, nsə ghə fɔɔngili a nii ghə, nsə ghə̂ a dii ghə ulaŋ ghə n dzəŋi i bə, ney bə Yeso n tay i saʼ i ghə.

Tùm i dzuŋu zə kuum Yeso Klisto tə Jɔn â tɔɔnə 18:35

Pilato n beeli ndow wi nə̀, “N sə loʼ wù Juu ə? À loʼ ghə̂ ghə inaʼ ghə ghi ghə fɔɔngili a nii ghə, ghə fuu tsəghə bənə wɔ tə̀ mə. Wə baa bəəbə kəkee tə ghə ə?”

Tùm i dzuŋu zə kuum Yeso Klisto tə Jɔn â tɔɔnə 8:2

Tsətsə wey n zòw kə utsuʼ, Yeso n nuu tsu dzəŋŋə ndòw n Ndaw Kəzə̀ i nii zə n Yerosalem. Ghə̂ adzəm n zuŋŋə bə n səə wi, tə n doʼo tsu, kaʼ ndòw ni dii ghə n ghəə ghə.

Kəfwaʼ 22:15

À loʼ wɔ wə i doʼlənə təmi tiilə ə wi, wə i dza tə ghə̂ ghə adzəm ghəə ghey wə koʼnə nsə a ghey wə zownə.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 5:17

Fɔɔngili u nii nii wə nsə ghə̂ a wi ghə, ghə â loʼnə n zəghə u tə Sadusi, n khə kəghoʼ, ghə daŋŋə dza nə̀ ghə khə ni chɔd ngəd tə Yeso.

Kəfwaʼ 5:27

Ghə n ney nyi bə ngəd tə Yeso tey, doʼlə naŋa bə ghə n sə̂ kə ghə̂ ə ndaw tsə. Fɔɔngili u nii nii wə n bəbə ghə n ghəə ghə.

Kəfwaʼ 5:34

Wù Falasi u loʼ wə ghə â tɔŋŋə nə̀ aloʼ Gamaliel â loʼ fu. Tə a loʼ soʼo wù dii u kəlaŋ u nii wə, ghə̂ adzəm ghə n ngɔɔmmə wi. Tə n təmi kɔʼ, dza ndow tə ngəd tə Yeso tey nə̀ ghə khəə təmi shi ndow a bii.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.