Kəfwaʼ 5:17 - Kaa n Kəzə̀ n fəghə mə

¹⁷ Fɔɔngili u nii nii wə nsə ghə̂ a wi ghə, ghə â loʼnə n zəghə u tə Sadusi, n khə kəghoʼ, ghə daŋŋə dza nə̀ ghə khə ni chɔd ngəd tə Yeso.

Kəfwaʼ 5:17 Mawu Ofanana

Matyo 27:18

Tə â sey bəbə n təŋkey, tə â khənu nə̀ ghə̂ a Təjuu ghə â ney bə Yeso n səə wi nə a loʼ kəghoʼ.

Matyo 3:7

Ambə Jɔn koʼ tsunə ndəmə ghə̂ a tə Falasi nsə ghə̂ a tə Sadusi a bəghə soʼonə ni bə ney mmuu n Kəzə̀, tə n dza tə̀ ghə nə̀, “Ghaa loʼ tə̀ a loʼ zuu tə̀ bəbə tə! À ghaa mbɔŋ tsə̀ ndee nə̀ ghaa tyi ngoʼo Kəzə̀ zən i bəghənə ə?

Tùm i dzuŋu zə kuum Yeso Klisto tə Jɔn â tɔɔnə 12:10

Sey, ghə fɔɔngili a nii ghə n kad tsu tsə̀m nə̀ ghə khə ni wey soʼo Lazarɔs tii.

Tùm i dzuŋu zə kuum Yeso Klisto tə Jɔn â tɔɔnə 12:19

Sey, ghə̂ a tə Falasi ghə n ghɔɔmə n wû i ghə dza nə̀, “Ghəə zən n saa tsəghəshi! Koʼo na, Ghə̂ adzəm a nya təŋŋə ndòw kə n baa wi!”

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 15:5

Dzûmə tə loʼ tə, tə â loʼ soʼonə ghə̂ a tə Falasi ghə, n nuu təmi kɔʼ dza nə̀, “Ghə khə ni teeli səghə tyi u ghə̂ ghən ghə way ghə̂ a Təjuu, ghə khə ni teeli naŋŋə soʼo laŋ u Mushi wə.”

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 4:26

Də̀ŋ u mbi u bayyə wû i tsam, Tow wə inaʼ wə a təmdzəŋi bənə, Ni zùu bàalə Kəzə̀ nsə wù wey tə tsuʼ naŋanə.’

Kəfwaʼ 4:6

Fɔɔngili u nii nii wə tɔŋɔ Anas n loʼ fu, Kayfas, Jɔn, Alekzanda nsə tyəm a fɔɔngili u nii nii wə n loʼ soʼo fu.

Kəfwaʼ 5:16

Nɔɔ wə aghə̂ wə n nuu bə n naʼa tey tə â kuʼlə loʼnə n səə naʼ i Jeroslem, luu nyi bə n Yerosalem. Ghə n boʼlə bə ghə̂ a ghə a dzaŋa ghə nsə ghə̂ ghey zay u bəbə wə â loʼnə n kow ghə. Ngəd tə Yeso tə n baŋŋə ghə adzəm.

Kəfwaʼ 7:9

Waa a num ghən Yakɔb â ji bənə n khə kəghoʼ n kow waazə ə ghə, tɔŋɔ Yosef. Ghə ney fii ndow wi n naʼ zə Ijip tə aloʼ kəkɔd. Zə̀ kə n nam loʼ kə ghi wi,

Galeshia 5:21

wù wey tə ləghə way ni koʼ nə̀ wù loʼ shi kəfə, ni məə khəə nlə mə, dzəŋi u bəbə wə nsə ndəmə ghəə a bəbə a loʼ ghə tə a loʼ a ghən. Tə mə â buʼ kii naŋa dzənə tə ghaa, n nam kii naŋŋə bə ghaa nə̀, wù wey tə ghəŋŋənə ndzoʼo ghəə ghən nə nyi koʼ way n fɔɔ u Kəzə̀.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.