Kəfwaʼ 4:8 - Kaa n Kəzə̀ n fəghə mə

⁸ Zay kə Zow kə n nyi bə n kow Pita, tə n beeli ndow ghə nə̀, “Tsoʼ tə inaʼ tə nsə ngəd tə inaʼ tə!

Kəfwaʼ 4:8 Mawu Ofanana

Lukas 1:41

Ambə Elisabet zow tsunə tɔŋɔ zow i Maria zə, waa n soʼlə tsu n nəghə u wi. Zay kə Zow kə n tsu bə n kow wi.

Lukas 23:13

Ambə ghə bə dzəŋŋənə, Pilato n tɔŋɔ naŋa bə ghə fɔɔngili a nii ghə, ngəd tə inaʼ, nsə ghə̂ ghə adzəm.

Kəfwaʼ 13:9

Zay kə Zow kə n loʼ n kow Sɔl wən ghə â tɔŋɔ soʼonə nə a loʼ Pɔl naʼ idzəm. Tə n sɔʼ laalə ndow Elimas dza tə wi nə̀,

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 4:5

Tsətsə wey, tsoʼ tə inaʼ, ngəd tə Təjuu nsə ghə̂ a dii a kəlaŋ ghə n təmdzəŋi bə n Yerosalem.

Kəfwaʼ 4:7

Ghə n ney naŋa bə Pita ghi Jɔn n sə̂ kə ghə, bəb ndow tə ghə nə̀, “Ghəə ghey ghaa â ghəŋŋənə, ghaa â ghəŋŋə n daʼa kə ndee nkee n zəd i ndee?”

Kəfwaʼ 7:55

Zay kə Zow kə n fəd nyi bə n kow Sətifən naʼ idzəm, tə n laalə kɔʼ ndow idəŋ. Ambə tə laalə kɔʼ ndownə idəŋ, tə n koʼ ndow ghaʼ i Kəzə̀ idəŋ nsə Yeso tə teynə fu n kpi u Kəzə̀ u təmmə wə.