Kəfwaʼ 4:36 - Kaa n Kəzə̀ n fəghə mə

³⁶ Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Kəfwaʼ 4:36 Mawu Ofanana

Malakus 3:17

Jems nsə waazə wi Jɔn, waa a Zebedi (Yeso â tsənə zəd a ghə ghə̀ nə̀ a loʼ Boanajes, tɔŋŋə Waa ghə ighow zən i mwaalə nə).

Kəfwaʼ 11:30

Ghə n ghəŋŋə tsu sey, kuu tsu khəə u tii wə n wɔɔ kə Banabas nsə Sɔl, tûm ndow tə ngəd tə dzûmə tə Klisto tey n Yerosalem.

Kəfwaʼ 12:25

Ambə Banabas nsə Sɔl mayyə kɔʼ fwaʼ kə ghə kə n Yerosalem, ghə n ney kɔʼ Jɔn wən ghə a tɔŋŋə nə̀ a loʼ Mak, nuu ndow ghi wi.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 13:15

Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 13:4

Zay kə Zow kə n tûm tsu ndow Banabas ghi Sɔl n Selushya. Ghə n nyi kɔʼ nə kəfən fu n nguŋ ə nali kə dzùu kə Selushya, nuu ndow n naʼ zey dzuu dzəŋŋə naŋa kɔʼnə n fə̀ŋ, ghə tɔŋŋə nə̀ a loʼ Sayprus.

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 15:37

Banabas n bəghəm kɔʼ, kee ləghə nə̀ ghə ney ndow Jɔn Mak ghi ghə.

Kəfwaʼ 15:39

Ghə n nûmə zuu tsu fu n wû i ghə, saʼ sàli nuu i tsu. Banabas n ney kɔʼ Jɔn Mak nyi kɔʼ nə kəfən, nuu daŋ ndow n Sayprus.

Kəfwaʼ 21:16

Dzûmə tə Yeso tə loʼ tə tə â nuu bənə n Kayserya n ndow dzəŋi ghi ghey. Ghə n ney ndow ghey n luʼu key ghey â khə ni doʼo tii n ndaw Nasən. Nasən â loʼ wù Sayprus wən tə â kə̂ bəghəmnə ni doʼo dzûmə ə Yeso.

Kəfwaʼ 21:3

Ambə ghey bə taa tsunə n luʼu key a koʼ ndow naʼ i Sayprus, ghey n baʼ naŋa ndow naʼ i tii zə n kpii kə kwɔɔ kə, nuu ndow n Sirya, taa shi ndow n Tayra n təŋkey â loʼ fu fən key a khə ni siʼi shiəllə fə wey kə â boʼo keelinə.

Kəfwaʼ 27:4

Ghey n zəghə tsu fu, nyi ndow n dzuu, zəŋ n ka tsəm bəghəm nə ghey tsəghə jii fu. Zəŋ ə tii n tənnə ghey sa, ghey n kəm ndow fwɔli tsəghə jii n bad key zəŋ tsəghə way tii n dzuu n Sayprus.

Kəfwaʼ 9:27

Banabas n kee ney ndow ghi wi n səə ngəd tə Yeso tə, tiilə dza ndow tə ghə nghee Sɔl a koʼnə Mûkəbii tii n jii nə̀ tə ndow n Damaskus, tə n ghɔɔmə ndow tə wi. Banabas n tiilə dza soʼo tə ghə nghee tə Sɔl â dəbbə naʼlənə ghəə ghə tii n zəd i Yeso n Damaskus.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

1 Kɔrint 9:6

Nkee ghə moʼlə nə̀ i kpii kə tə̀ mə ghi Banabas ni fwaʼ tə̀ ghey ni keeli fə kə zəə kə ə?

Galeshia 2:1

Ambə num tə tsəghə tsunə ighəm nsə num tə təkaykə, mə n kəm nuu kɔʼ dzəŋŋə ndow n Yerosalem ghi Banabas. Mə n ney kɔʼ soʼo Taytus, ndow ghi wi.

Galeshia 2:13

Ghə̂ a Təjuu a loʼ ghey fu n dzəŋi kə dzûmə tə Klisto n zey soʼo ni nəŋŋə ghəŋə tə a loʼ Pita, sey, Banabas n nyəŋ laʼ soʼo n baa ghə, nəŋŋə ghəŋŋə soʼo ghəə tii ghə.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Kolose 4:10

Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.