Kəfwaʼ 4:34 - Kaa n Kəzə̀ n fəghə mə

³⁴ Wù ghə u loʼ n laʼa way fə kə n fəŋŋə kə ghə, n təŋkey, ndəm ə ghə ghey ghə â khə luʼu tə nsə ndaw tə, ghə â fìilə tsuunu, ghə n bə n khəə u tii wə.

Kəfwaʼ 4:34 Mawu Ofanana

Matyo 19:21

Yeso n dza ndòw tə̀ wi nə̀, abə wə̀ ləghənə ni doʼo tsətsəghə, ndòw fìi may tsu fə wə wə̀ udzəm, wə ney kɔʼ khəə u tii wə, wə fuu ndòw tə̀ ghə̂ a laa ghə, wə i keeli ikum idəŋ, wə daŋŋə bə dzûmə bə mə.”

Malakus 10:21

Yeso n laalə ndòw wi n ləghə zə n fə̀ŋ, dza tə̀ wi nə̀, “A bow səə kə ighəə imɔʼ tə̀ wɔ ni ghəŋə. Ndòw fìi may tsu fə wə wə̀ udzəm, wə fuu nuu ndòw khəə u tii wə tə̀ ghə̂ a laa ghə, wə i keeli ikûm idəŋ. Abə wə ghəŋə tsu sey, wə daŋŋə bə dzûmə bə mə.”

Lukas 12:33

Fii na fə u ghaa wə, ghaa i fuu ndòw khəə u tii wə tə̀ ghə̂ a laa ghə. Kəŋ tsu na mbəghə wə ukhəə wən u dənə way, ghaa nyi naŋa ndòw fə u ghaa idəŋ, n təŋkey tsɔŋ u way fu tə̀ ghə loʼ ni tsɔŋ nkee sə̂soʼo tə̀ loʼ ni bəəbə maʼa.

Lukas 16:9

N fa tsə̀ə bə ghaa nə̀, i ney na fə u mbi wə, kaŋa ndòw afə̂ tii, tə̀ bə u nə maynə, ghə i kpii ney ghaa n muu kə wi kən idəŋ kə doʼo tən nə.

Lukas 22:35

Yeso n bəb ndow tə̀ tsətəndəghə tə wi tə nə̀, “Nghee tə mə â tûm shinə ghaa nə̀ ghaa khə way mbəghə kə ukhəə kə, təgow, nkee kəmbəghə, ghaa â kpaʼi laʼ kìinu fə kə ə?” Ghə n beeli kɔʼ nə̀, “ghey ka fə kə làʼ kìi dzə.”

Kəfwaʼ 2:45

Ghə n fiilə fə wey ghə â khənə, ney khəə u tii wə dzaw fu ndow tə ghə̂ ghey ghə laʼanə fə kə.

Kəfwaʼ 4:37

Tə â fii tsu luʼu kə wi, ney bə khəə u tii wə, bə fuu bə tə ngəd tə Yeso tə.

2 Kɔrint 8:14

Nghee ghaa ndəŋ khənə nya, ghaa loʼ ni tɔm ndòw ghə nə̀ ghə mbɔŋ keeli fə key ghə laʼanə, sey nə̀ abə ghə nə̂ keelinə, ghə i loʼ ni bə tɔm soʼo ghaa n tsuʼ fə loʼ fə. À wən loʼ ni ghəŋə nə̀ ghəə ghə i loʼ ighələ.

1 Tesalonika 4:12

Abə ghaa ghəŋənə sey ghaa i khə ngɔɔmə zə n sə kə ghə̂ ghən ghə ka bəghəm tə̀ Zə̀ kə, Ghaa khə soʼo way ni ləmmə nə̀ wù loʼ mə fuu ghaa n fə̂ kə loʼ kə.

1 Timoti 6:19

Abə ghə ghəŋŋənə ghəə a dzuŋu ghən, ghə sey bayyə naŋŋə bənə u ghə u dzuŋu n mbi zən i bəghənə, sey ghə i loʼ ni keeli muu zən i ndzəm loʼnə muu zə.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.