Kəfwaʼ 4:31 - Kaa n Kəzə̀ n fəghə mə

³¹ Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 4:31 Mawu Ofanana

Matyo 21:22

Abə ghaa khənə bəghəm i fə̀ŋ zə, ghaa i keelinu fə̂ key ghaa bəbənə nə igɔŋŋə.”

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:7

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 2:1

Ambə tsuʼ fə Pentikɔs fə bənə, dzûmə tə Klisto tədzəm tə n dzəŋi loʼ nə kəluʼu kəmɔʼ.

Kəfwaʼ 2:2

Ghə n gbələ zow fə kə loʼ kə fuŋu tsuu bə nə n bikighow tə a loʼ zəŋ i taw zə i kwɔ̀ɔ tsuu bənə, bə luu ngəə tsəghə bə n ndaw zey ghə â doʼnə tii.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 4:29

Mûkəbii, koʼo nghee ghə biinə ghey tii, ghəŋə tsu nə̀ ghə̂ a kəfwaʼ ghə a keeli tsu fə̀ŋ ni dəb ə naʼlə ghɔɔmə zə zə̀ nə ghə khə way tsəŋ zə.

Filipi 1:14

Doʼo zuŋ n ndaw tsaʼ zə n ghəŋə nə̀ ndəmə ghə̂ ghən ghə bəghəm tə Yeso a keeli tsu fə̀ŋ. Ghə nya naʼlə nduŋŋə ndòw ghɔɔmə i Kəzə̀ nə̀ ghə khə way tsəŋ zə n fə̀ŋ.

Filipi 1:20

Moʼlə zuŋ nsə ləghə zuŋ i loʼ nə, kə n nə bwu koʼonə n fwaʼ kuŋ, nə̀ mə î fəd khə fə̀ŋ ni naʼlə tûm i dzuŋu zə, sey nə̀ wû wuŋ udzəm u loʼ ni fuu kɔʼləmə tə̀ Klisto nya nsə nə tənəŋə tədzəm, abə n loʼnə utaw nkee nə̀ mə n kpu.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.