Kəfwaʼ 4:29 - Kaa n Kəzə̀ n fəghə mə

²⁹ Mûkəbii, koʼo nghee ghə biinə ghey tii, ghəŋə tsu nə̀ ghə̂ a kəfwaʼ ghə a keeli tsu fə̀ŋ ni dəb ə naʼlə ghɔɔmə zə zə̀ nə ghə khə way tsəŋ zə.

Kəfwaʼ 4:29 Mawu Ofanana

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 26:26

Fɔɔ Agripa khənu ghəə ghən adzəm. N ndzəmə khəə dzəŋinu ghəə ghə ghi wi nə̀ n tsəŋə way n təŋkey, n khənu nə̀ ghəə ghən n khəənə fa adzəm, i loʼ i way tii nə̀ a loʼ i fəghə zə tə wi, boʼnə ghəə ghən â ka ney dzə bənə kə nə kələm.

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 4:21

Ambə ghə bəmi kpi tsunə ghə, ghə n zəghə tsu ghə nə ghə nuu. Ghə â koʼ tsu nə̀ jii way tə ghə ni chɔd ghə, n təŋkey, aghə̂ adzəm â fuu nkɔʼlə tə Zə̀ kə n ghəə ghən a shinə.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 9:27

Banabas n kee ney ndow ghi wi n səə ngəd tə Yeso tə, tiilə dza ndow tə ghə nghee Sɔl a koʼnə Mûkəbii tii n jii nə̀ tə ndow n Damaskus, tə n ghɔɔmə ndow tə wi. Banabas n tiilə dza soʼo tə ghə nghee tə Sɔl â dəbbə naʼlənə ghəə ghə tii n zəd i Yeso n Damaskus.

Kəfwaʼ 9:28

Sɔl sey daŋŋə doʼo dzəŋi ndownu ghi ghə, tsəghə ndow kə n sə kə ni naʼa tûm i dzuŋu zə n zəd i Mûkəbii n naʼ i Yerosalem idzəm nə tə tsəŋə way.

1 Kɔrint 14:13

A wey loʼ ghə i tii zə ghə̂ ghey ghə loʼnə ni ghɔɔmə lii tə təghɔɔmə, ghə khənə ni ngii gɔŋŋə nə̀ Zə̀ kə fuu ghə n daʼa kə ni tiilə dza bə ghəə ghey ghə ghɔɔmənə.

2 Kɔrint 3:12

Sey, ghey khə way tsəŋ zə abə ghey ghɔɔmənə n tənkey, ghey ləmmə ghəə ghən.

Filipi 1:14

Doʼo zuŋ n ndaw tsaʼ zə n ghəŋə nə̀ ndəmə ghə̂ ghən ghə bəghəm tə Yeso a keeli tsu fə̀ŋ. Ghə nya naʼlə nduŋŋə ndòw ghɔɔmə i Kəzə̀ nə̀ ghə khə way tsəŋ zə n fə̀ŋ.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.