Kəfwaʼ 4:13 - Kaa n Kəzə̀ n fəghə mə

¹³ Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 4:13 Mawu Ofanana

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 26:71

Tə nuu shi ndòw, təmi tsu n fuʼ u mbàa, weyzən u kəfwaʼ u loʼ wə n nam koʼ tsu wi dza ndòw tə̀ ghə̂ ghey fu nə̀, “Wù wən â loʼ ghi Yeso wù Nazaled.”

Matyo 26:73

Ghə n kəm tsuŋŋə tsu, ghə̂ ghey ghə â teynə fu n bə n səə Pita dza tə̀ wi nə̀, “À loʼ isəŋə, wə loʼ wù ghə umɔʼ, jìi zey wə̀ ghɔɔmənə tii, dii tənə bənu.”

Lukas 22:8

Yeso n tûm ndòw Pita ghi Jɔn isə dza, “Ndow khəələ na fəzəə u Zə̂ kə taa zaʼa kə tə̀ saa ni zə̂.”

Tùm i dzuŋu zə kuum Yeso Klisto tə Jɔn â tɔɔnə 19:26

Ambə Yeso koʼ nghee nay wi ghi ngəd ə wi zey tə â ngii ləghənə teynə n səə wi, Tə n dza tə̀ zə nə̀, “Này, koʼo waa wə a wən ə!”

Tùm i dzuŋu zə kuum Yeso Klisto tə Jɔn â tɔɔnə 7:15

Dzuu zə n zum ngəd tə Təjuu n ghɔɔmə i wi, ghə n bəbə nə̀, “Wù wən lɔʼlə keeli ngee ghəə ghən adzəm nə̀ tə ka ndow n ndaw kəmàʼlə ə?”

Tùm i dzuŋu zə kuum Yeso Klisto tə Jɔn â tɔɔnə 7:49

À kee loʼ nə̀ nɔɔ kə aghə̂ key buʼ khə way laŋ kə Mushi kə, Zə̀ kə n ghə ləŋ naŋa.”

Kəfwaʼ 4:14

Ghə n kee laʼ kìi ghə i dza zə n təŋkey ghə â ndzəmə koʼo ndownu wù wey ghə â baŋŋənə, tə teynə n səə Pita ghi Jɔn.

Kəfwaʼ 4:19

Pita ghi Jɔn, n fəd beeli ndow ghə nə̀, “Wû i ghaa, moʼlə tsu na nə̀ a kpii ghə i ghaa zə tə Zə̀ kə ə? Ni zow tə ghaa mɔ, ni zow tə Zə̀ kə ə?

Kəfwaʼ 4:29

Mûkəbii, koʼo nghee ghə biinə ghey tii, ghəŋə tsu nə̀ ghə̂ a kəfwaʼ ghə a keeli tsu fə̀ŋ ni dəb ə naʼlə ghɔɔmə zə zə̀ nə ghə khə way tsəŋ zə.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Kəfwaʼ 9:27

Banabas n kee ney ndow ghi wi n səə ngəd tə Yeso tə, tiilə dza ndow tə ghə nghee Sɔl a koʼnə Mûkəbii tii n jii nə̀ tə ndow n Damaskus, tə n ghɔɔmə ndow tə wi. Banabas n tiilə dza soʼo tə ghə nghee tə Sɔl â dəbbə naʼlənə ghəə ghə tii n zəd i Yeso n Damaskus.

Kəfwaʼ 9:28

Sɔl sey daŋŋə doʼo dzəŋi ndownu ghi ghə, tsəghə ndow kə n sə kə ni naʼa tûm i dzuŋu zə n zəd i Mûkəbii n naʼ i Yerosalem idzəm nə tə tsəŋə way.

1 Kɔrint 1:27

Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

1 Kɔrint 14:25

I loʼ sey n təŋkey, ghəə a kələm ghey n fə̀ŋ tə ghə n doʼo bə n mgbaŋ. Sey ghə i təm ndow tənguʼ aghəd, ghə fuu nkɔʼlə tə̀ Zə̀ kə, ghə i dza shiə bə n mgbaŋ nə̀, “Zə̀ kə ndzəm loʼnu n fəŋŋə kə ghaa!”

2 Kɔrint 3:12

Sey, ghey khə way tsəŋ zə abə ghey ghɔɔmənə n tənkey, ghey ləmmə ghəə ghən.