Kəfwaʼ 3:26 - Kaa n Kəzə̀ n fəghə mə

²⁶ Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 3:26 Mawu Ofanana

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Matyo 15:24

Yeso n dza ndòw tə weyzən wey nə̀, “Ghə tûm bə mə n səə ghə̂ ghə Izree ghey ghə loʼnə tə a loʼ njì tey tə nay doʼonə.”

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 4:22

Ghaa ghə̂ Samaria, ghaa ngɔɔmə Kəzə̀ nə̀ ghaa khə way wi, abə ghey ghə̂ a Təjuu, ghey ngɔɔmə Zə̀ key ghey khənə n təŋkey, bəghəshi i bəghə fa n mbi n bam i Təjuu.

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 3:13

Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 3:20

Abə ghaa ghəŋənə sey, Zə̀ kə i ghəŋə tsu nə̀ kɔŋŋə kə nyaʼi nyi bə ghaa, tə i fuu ghaa n gaamə zə, tə tûm bə soʼo wù wey tə â dza naŋa nə̀ i tûm bənu, tɔŋɔ Yeso wey tə â sày naŋa kɔʼ tə ghaa.

Kəfwaʼ 3:22

Mushi mâ dza nə̀, ‘Mûkəbii, Zə̀ kə ghaa, i say kɔʼɔ wù tûm ə wi n fəŋŋə kə ghaa tə̀ tə â sàynə mə. Ghaa khə ni teeli zow ghəə ghey adzəm tə dzanə tə ghaa.

Kəfwaʼ 3:25

Ghaa loʼ waa a waa a tûm tə Kəzə̀, dii tsu nə̀ kaa mən Zə̀ kə â zə̂nə ghi ghə bày a ghaa ghə, loʼ soʼo tə ghaa. Zə̀ kə â dza tə Abraham nə̀, ‘Mə i buulə tənaʼa tədzəm fa n mbi n bam i waa a waa ghə.’

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 15:29

N khənu nə̀ abə mə i bənə, Klisto i buulənu saa naʼ idzəm abə mə i naʼlənə tûm i dzuŋu zə ghi ghaa.

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Efesus 1:3

Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Pita 3:9

Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.