Kəfwaʼ 3:25 - Kaa n Kəzə̀ n fəghə mə

²⁵ Ghaa loʼ waa a waa a tûm tə Kəzə̀, dii tsu nə̀ kaa mən Zə̀ kə â zə̂nə ghi ghə bày a ghaa ghə, loʼ soʼo tə ghaa. Zə̀ kə â dza tə Abraham nə̀, ‘Mə i buulə tənaʼa tədzəm fa n mbi n bam i waa a waa ghə.’

Kəfwaʼ 3:25 Mawu Ofanana

Lukas 1:72

À wən loʼ ni dii bə sii i kwɔɔlə i Kəzə̀ tə̀ tə â dza naŋanə tə ghə bày a saa a sə̂ isə ghə. Tə n moʼlə kaa n zow mey tə â zə̂nə ghi ghə

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 2:39

Təb kən Zə̀ kə â təb naŋanə, loʼ tə ghaa nsə waa a ghaa ghə nsə tə ghə̂ ghən ghə lɔʼlə loʼnə, tɔŋŋə ghə̂ ghən adzəm Mûkəbii, Zə̀ kə saa, i tɔŋŋə bənə n səə wi.”

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Roma 4:13

Zə̀ kə â təb naŋa tə Abraham ghi waa a waa a wi ghə nə̀ à i keeli ghə mbi zən. Â way dzə nə̀ tə â tɔʼɔ ngii naŋŋə laŋ K-a-zə̀, â fəd loʼ n təŋkey, tə â bəghəm tə Zə̀ kə, Zə̀ kə n ney ndow wi nə̀ tə loʼ tsətsəghə.

Galeshia 3:16

Zə̀ kə â təb naŋa ghəə ghən tə Abraham ghi waa waa wi. Màʼlə K-a-zə̀ kə ka dza dzə nə̀, “Tə waa a waa a wi ghə.” Tə a i dza ghə loʼ n ndəm. Màʼlə K-a-zə̀ kə fəd dza, “Waa waa wi”, dii tsu nə a loʼ wù umɔʼ tɔŋŋə Klisto.

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 7:9

Ambə jim wən i tsəghə tsunə, mə n koʼ ndow n sə̂ kuŋ nɔɔ kə aghə̂ kən wù way ni taŋ ghə shinə n sali ndaw tədzəm, naʼa tədzəm, nə təluʼu tədzəm nsə n ghɔɔmə tə naʼa tə tətûm tədzəm. Ghə n tey n sə kə kuu kə fɔɔ key nsə Waa Nji zey nə̀ ghə n dzəŋə keeli ndzə̂ tə fəmə tə nə uwû, khə soʼo utsəghə nə awɔɔ.