Kəfwaʼ 3:20 - Kaa n Kəzə̀ n fəghə mə

²⁰ Abə ghaa ghəŋənə sey, Zə̀ kə i ghəŋə tsu nə̀ kɔŋŋə kə nyaʼi nyi bə ghaa, tə i fuu ghaa n gaamə zə, tə tûm bə soʼo wù wey tə â dza naŋa nə̀ i tûm bənu, tɔŋɔ Yeso wey tə â sày naŋa kɔʼ tə ghaa.

Kəfwaʼ 3:20 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 24:3

Nghee tə̀ Yeso doʼnə n kaʼ u Oliv, ngəd tə wi tə n ndòw bə n səə wi, tsɔŋ bəb tsu tə̀ wi nə̀, “Dza bə tə̀ ghey, ghəə ghən ghə î ney zeeli bənə kə ə? À loʼ tsəə i ghaa zə zə̀ î diinə nə̀ nəŋə i tii zə n shɔd tə̀ wɔ ni bə nsə nə̀ mbi zən nya dza i may ə?”

Malakus 13:26

Ghə̂ ghə i daŋŋə koʼ Waa Wù sɔŋtsuʼ tə bəghənə nə təmbaʼ n daʼa kə nsə ghaʼ zə.

Lukas 19:11

Nghee tə ghə̂ ghən zəllə ghəə ghən, Yeso n ndow n sə kə ni dza ghə n zəzəə fə fənkəfən fə. Ambə Yeso kuʼlə may ndownə n Yerosalem, ghə̂ ghey n kee moʼlə kə nə fɔɔ u Kəzə̀ u nya loʼ ni bə.

Lukas 21:27

Sey ghə nə daŋŋə kòʼ Waa wù sɔŋtsuʼ tə bəghənə nə təmbaʼ ghi daʼa kə səŋŋi kə nsə kɔʼlə mə.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 3:21

Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.

2 Tesalonika 2:2

kə̂ ghaa nə̂ keelinə fəmmə kə loʼ kə n fə̀ŋ tə ghaa, abə ghə̂ a loʼ ghə bə dza bənə tə̀ ghaa nə̀ tsu fey Mûkəbii khə ni bə tii n kpii. Kə̂ ghaa nə̂ bəghəmnə ghɔɔmə i tii zə, abə ghə tsəm dza bə kənə tə̀ ghaa nə̀ a dza bə Zay K-a-zə̀, nkee nə̀ a dza tûm tə Kəzə̀ nkee nə̀ a tɔ̀ɔ bə ghey.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.