Kəfwaʼ 3:19 - Kaa n Kəzə̀ n fəghə mə

¹⁹ Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 3:19 Mawu Ofanana

Matyo 13:15

N təŋkey, ghə̂ ghən n fə̀ŋsə doʼo n fə̀ŋ tə ghə tə n ghəə zən, Ghə a fii naŋa kɔʼ tuŋŋə u ghə wə, Ghə a kəmə naŋa tsu sə̂ a ghə ghə, A may kə nə ghə nə koʼ tɔb kə n sə̂ a ghə, Ghə zow soʼo n tuŋŋə u ghə, Ghə khə̂mə təmi bə n səə mə, N baŋŋə ghə.’”

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Lukas 1:16

Tə i ney dzəŋŋə bə fə̀ŋ tə ghə̂ ghə Izree tə̀ Bày Zə̀ kə ghə.

Lukas 22:57

Pita n tɔ̀ʼ tuu dza, “Iwaa, n buʼ khə dzə way wi.”

Kəfwaʼ 1:6

Sey, ambə Yeso ghi ngəd tə wi tə kəm təmdzəŋi bənə, ghə n bəb ndow tə wi nə̀, “Mûkəbii, a wən loʼ nəŋə zən wə i ney nuulənə fɔɔ wə n wɔɔ ghə̂ a Rom ghə, wə fuu dzəŋŋənə tə ghə̂ ghə Izree ghə ə?”

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 11:21

Daʼa kə Mûkəbii kə n loʼ n kow ghə, ndəm ə aghə̂ n bəghəm tə Klisto, fəd doʼo bə dzûmə tə Mûkəbii.

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 17:26

Tə â ney kɔʼ wù umɔʼ, bɔm tsu ghə̂ a naʼa tən tədzəm nə ghə muu n badla tə mbi tədzəm. À loʼ wi tə â bayyə naŋa zey nəŋə tə tey ghə̂ a khə ni muu tii, a loʼ soʼo wi tə a naŋa kaabə ndownə kpey tey ghə nə muulə kaabənə tii.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 28:27

Fə̀ŋ tə ghə̂ ghən n fəŋsə doʼo, Tuŋŋə u ghə wə u taw ni zow aghəə, Ghə a kəmə naŋa tsu soʼo sə̂ a ghə ghə. Seynə kə ghə nə koʼo ghəə ghə n sə̂ a ghə, ghə nə zow soʼo, nə i kə ghə nə zowkeeli soʼo n fə̀ŋ tə ghə, i kə ghə nə baŋa koʼo bə mə tə n baŋŋə kɔʼ ghə.’

Kəfwaʼ 3:20

Abə ghaa ghəŋənə sey, Zə̀ kə i ghəŋə tsu nə̀ kɔŋŋə kə nyaʼi nyi bə ghaa, tə i fuu ghaa n gaamə zə, tə tûm bə soʼo wù wey tə â dza naŋa nə̀ i tûm bənu, tɔŋɔ Yeso wey tə â sày naŋa kɔʼ tə ghaa.

Kəfwaʼ 3:21

Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

2 Tesalonika 1:10

Abə tə i bənə n tsuʼ fə tii fə n ghaʼ i wi, ghə̂ ghey adzəm ghə bəghəmnə tə wi i duʼlə, dzuu zə i zum soʼo ghə, ghə i fuu wi n kɔʼləmə. Ghaa i duʼlə soʼonu tə a loʼ ghə n təŋkey, ghaa â bəghəm fuu tûm zey ghey â naʼanə tə̀ ghaa.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

1 Pita 2:25

I loʼ sey n təŋkey, ghaa â loʼ tsə tə a loʼ tənjì tə laʼa nay ndownə, a kee bə nya ghə n ghaa ney dzəŋŋə bə nə̀ ghaa i dzûmə ndow wù baʼa u tənjì wə nsə wù wən tə laalənə fə̀ŋ tə ghaa tə.

2 Pita 3:8

Fə ghuŋ a dzuŋu ghə, ghə i loʼ i loʼ fa n ləghə way nə̀ ghaa neyzəə! Ghə i tii i loʼ nə̀, n sə kə Mûkəbii, fətsuʼ fəmɔʼ, fə loʼ tə a loʼ tənum kam. Tənum kam a loʼ soʼo tə a loʼ fətsuʼ fəmɔʼ.

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”