Kəfwaʼ 3:15 - Kaa n Kəzə̀ n fəghə mə

¹⁵ Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 3:15 Mawu Ofanana

Lukas 24:48

Ghaa loʼ ghə təmi tiilə n ghəə ghən adzəm.

Tùm i dzuŋu zə kuum Yeso Klisto tə Jɔn â tɔɔnə 1:4

Ghɔɔmə zən n fuu imuu, muu i tii zə n fuu kədaa tə ghə̂ ghə adzəm.

Tùm i dzuŋu zə kuum Yeso Klisto tə Jɔn â tɔɔnə 10:28

N fuu ghə n muu zə itsali zə, ghə nə̂ kpu koʼ way. Wù umɔʼ tsəm way ni bəkeeli nuu ghə n wɔɔ kuŋ.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 17:2

Bày, wə n fuu wi n daʼa kə nə̀ tə i saʼa ghə̂ ghə adzəm, sey nə̀ tə loʼ ni fuu muu zə itsali tə̀ ghə̂ ghey wə fuu naŋanə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 5:26

Nghee tə̀ Bày n wû u wi wə, fuunə muu zə tə̀ ghə̂ ghə, tə n ghəŋə nə̀ Waa i loʼ soʼo ni fuu imuu tə ghə̂ ghə.

Kəfwaʼ 1:22

À khə ni loʼ wù tə â loʼ dzəŋi ghi saa ni ney nuu tsu n nəŋə zey Jɔn â fuunə mmuu n Kəzə̀ mə ndow kuum ndow n nəŋə zey Zə̀ kə â ney kɔʼ ndownə Yeso tii idəŋ. À khə ni loʼ wù tə i təmi tiilə soʼonə ghi saa nghee Yeso â zhəm dzəŋŋənə tii nə ivə.”

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 2:32

Zə̀ kə mâ ndzəm zhəm dzəŋŋə bə Yeso nə ivə, ghey ghən adzəm fa loʼ mâ koʼ ghə i tii zə.

Kəfwaʼ 4:2

Ghə̂ ghən â bə koʼ bə Pita ghi Jɔn n təŋkey nəghə mə â ngii fəə ghə nghee ghə diinə ghə̂ ghə n ghəə ghə bòʼ Yeso. Ghə â naʼlə nə̀ Yeso zhəm dzəŋŋə nə ivə, dii tsu nə̀ wù loʼnu ni zhəm dzəŋŋə nə ivə.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

Efesus 1:20

kə key tə â diinə n kow Klisto nghee tə â zhəm dzəŋŋə bənə wi nə ivə. Ney naŋa kɔʼ wi n kpii u wi u təmə wə n fɔ̀ɔ u wi idəŋ.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:10

Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.