Kəfwaʼ 3:14 - Kaa n Kəzə̀ n fəghə mə

¹⁴ Ghəə a wi ghə â zownu n sə K-a-zə̀, tə n loʼ wù dzuŋu, ghaa n fəd tuu maʼa wi, kee dza nə̀ Pilato chi zəghə shi bə ghaa n wù wey tə weynə ghə̂ ghə.

Kəfwaʼ 3:14 Mawu Ofanana

Matyo 27:20

Ghə fɔɔngili a nii ghə nsə ngəd tə inaʼ tə n tənnə nɔɔ kə aghə̂ key nə̀ ghə dza ndòw tə̀ Pilato nə̀ tə zəghə shi bə Barabas, ghə ney wey maʼa ndòw Yeso.

Malakus 1:24

“Wə fa bə ni bə ji ngee ghi ghey a Yeso ə Nazaled? Wə n bə ni bə ləŋi maʼa ghey ə? N khənu wù wey wə̀ loʼnə ghii wə, wə loʼ Wù Kəzə̀ u Zow wə.”

Malakus 15:11

Ghə fɔɔngili a nii ghey n kuu tənyɔʼ tə̀ ghə̂ ghey nə̀ ghə dza ndòw tə̀ Pilato nə̀ tə fuu shi bə ghə n Barabas.

Malakus 15:7

Wù loʼ n loʼ fu n ndaw tsaʼ ghə â tɔŋŋənə nə̀ a loʼ Barabas, ghə â fìi naŋanə wi nə̀ tə wey wù n ngəd key ghə â zuulə baalənə ghi ghə̂ ghey ghə saʼanə̀ naʼ i Roma n təŋkey ghə â ləghə way jìi zey ghə â saʼanə tii.

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 23:25

Sey, tə n chi zəghə maʼa tsu wù wey ghə â ləghənə. Tə n zəghə maʼa shi bə Barabas wey ghə a fii naŋanə n ndaw tsaʼ kùm nə tə̂ â khə kəwɔɔ n zuu zey zə â shinə inaʼ nsə nə tə̂ â wey wù. Tə n fuu ndow Yeso tə ghə nə ghə ghəŋə ghə zey ghə ləghənə ni ghəŋə ghi wi.

Tùm i dzuŋu zə kuum Yeso Klisto tə Jɔn â tɔɔnə 16:10

Tə nə dii soʼo tə̀ ghə nə̀ ghə n bwu khə̂mə n ghəə ghey a loʼnə tsətsəghə, n təŋkey, n sa ndow n səə Bày, sey, ghaa nə kəm koʼo tsə way mə.

Tùm i dzuŋu zə kuum Yeso Klisto tə Jɔn â tɔɔnə 18:40

Ghə n keeli kɔʼ fu n dzə̂ tə taw tə nə̀, “Ngaŋ, ghey ləghə kə Barabas.” Barabas â loʼ taw kə wù tsɔŋɔ.

Kəfwaʼ 13:28

Ghə̂ a Təjuu ghən â ka koʼ dzə ghə i bəbə i loʼ zə Yeso a ghəŋŋənə ni dza nə̀ ghə wey wi. Ghə n nam tsəghə ndow kə n sə kə ni dza nə̀ Pilato ghəŋə nə̀ ghə wey wi.

Kəfwaʼ 2:27

N təŋkey wə i tûmmə naŋa way vən fə uwû fuŋ fə n naʼ zə ivə, Wə i bəghəm soʼo way nə vən i waa wə u dzuŋu wə i fway nə isay.

Kəfwaʼ 22:14

Tə n daŋŋə dza bə tə mə nə̀, ‘Zə̀ kə ghə bày bày a saa kə n wɔ sày nə̀ wə i khə ghəə ghey tə ləghənə, wə koʼ Wù kəfwaʼ a wi wən tə loʼnə Tsətsəghə, wə i zow soʼo ghɔɔmə zey i shiə bənə n dzuu i wi.

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.

Kəfwaʼ 5:28

Ghey mâ tɔʼ kii naŋa ghaa nə̀ kə̂ ghaa nə̂ kəm dii ghə̂ ghə n ghəə ghə n zəd i wù wən, ghaa u nam ndow kə n sə̂ kə ni dii ghəə ghə kuum wi n naʼ i Yerosalem idzəm. Ghaa ləghə ni ghəŋə nə̀ i doʼo tsu nə̀ ghey khə kəwɔɔ n və i wi.

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Jems 5:6

Ghaa tsəʼlə saʼ n kow aghə̂, wey daŋŋə ghə, nə̀ ghə ka ghəə i bəbə i loʼ i ghəŋə dzə. N ghəə ghən ghaa ghəŋənə tə ghə, ghə ka zuu dzəŋŋə dzə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 2:1

Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,