Kəfwaʼ 3:13 - Kaa n Kəzə̀ n fəghə mə

¹³ Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

Kəfwaʼ 3:13 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 20:19

Ghə i ney fuu tsəʼlə ndòw wi tə̀ ghə̂ ghey ghə bəghəm way tə̀ Zə̀ kə, ghə i tsoʼ wi, ghə lənnə wi, ghə bwɔd, ghə baa wi n zat kə fəkaʼ. A i bə nə ntsuʼ ntəghə, Zə̀ kə i zhəm dzəŋŋə bə wi nə ivə.”

Matyo 22:32

‘N loʼ Zə̀ kə Abraham, Zə̀ kə Ayzik, nsə Zə̀ kə Yakɔb kə.’ Tə way dzə Zə̀ kə ghə̂ a kpuu ghə, tə̀ loʼ Zə̀ kə ghə̂ ghey ghə loʼnə utaw.”

Matyo 27:2

Nghee ghə kad may kɔʼ tsəm zey, ghə n kùm kɔʼ wi nə tətsaʼ, ney nuu ndòw wi. Ghə n ndòw fuu tsəʼlə ndòw wi tə̀ Pilato, tə â loʼnə Gɔvənɔ.

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Malakus 15:11

Ghə fɔɔngili a nii ghey n kuu tənyɔʼ tə̀ ghə̂ ghey nə̀ ghə dza ndòw tə̀ Pilato nə̀ tə fuu shi bə ghə n Barabas.

Lukas 22:57

Pita n tɔ̀ʼ tuu dza, “Iwaa, n buʼ khə dzə way wi.”

Lukas 23:4

Sey, Pilato n dza ndòw tə̀ ghə fɔɔngili a nii ghey nsə nɔ̀ɔ kə aghə̂ key nə̀, “N ka kòʼ dzə ghə i bəbə i loʼ zə wù wən ghəŋŋə tə n loʼ ni saʼ wi.”

Lukas 6:37

Kə ghaa nə saʼabəəbənə ghə̂ ghə, n təŋkey Zə̀ kə i saʼa bəəbə soʼo ghaa. Kə ghaa nə tsəʼlənə saʼ n kow ghə̂ a loʼ ghə təŋkey Zə̀ kə i tsəʼlə saʼ soʼo n kow ghaa. Ghaa khə ni neyzəə ghəə a bəbə ghey ghə ghəŋənə tə ghaa, Zə̀ kə i neyzəə soʼo ghəə a ghaa a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 12:16

Ngəd tə wi tə n ka zowkeeli ghəə ghən n nəŋə i tii zə. Â loʼ kə nghee Yeso bə kpu tsunə, Zə̀ kə n zhəm nuu kɔʼ ndow wi idəŋ, ghə n daŋŋə taa mòʼlə bə ghəə ghən ghə â tɔ̀ɔ naŋŋə kuum wi. Ghə n moʼlə bə soʼo ghəə ghey ghə â ghəŋənə tə wi.

Tùm i dzuŋu zə kuum Yeso Klisto tə Jɔn â tɔɔnə 18:40

Ghə n keeli kɔʼ fu n dzə̂ tə taw tə nə̀, “Ngaŋ, ghey ləghə kə Barabas.” Barabas â loʼ taw kə wù tsɔŋɔ.

Tùm i dzuŋu zə kuum Yeso Klisto tə Jɔn â tɔɔnə 19:11

Yeso n beeli ndow wi nə̀, “Wə way ni keeli kədaʼa n kow mə nə̀ kə ka shi tsu bə n wɔ Zə̀ kə idəŋ kə. À kee loʼ nə̀ a dow tsəghə bəb i wù wey tə ney fu shi bə mə tə̀ ghaa.”

Tùm i dzuŋu zə kuum Yeso Klisto tə Jɔn â tɔɔnə 19:12

Ambə Pilato zow tsu sey, tə n kaʼ ni kəŋ jìi ni zəghə maʼa Yeso. Ngəd tə Təjuu tə n kee taw shiə kɔʼɔ kə n dzə̂ tə nə̀, “Abə wə zəghə maʼa tsu wù wən, à sey loʼ nə̀ wə ndɔm way dzə fə̂ ə Kaysa tə loʼnə də̀ŋ kə, n təŋkey, wù wey tə dza i loʼ kədə̀ŋ fa inaʼ sey zuulə baalə Kaysa.”

Tùm i dzuŋu zə kuum Yeso Klisto tə Jɔn â tɔɔnə 19:15

Ghə n taw shiə kɔʼɔ kə n dzə̂ tə nə̀, “Wey wi, wey wi, baa wi n zat kə fəkaʼ!” Pilato n bəb tə̀ ghə nə̀, “Ghaa ləghə nə̀ n baa də̀ŋ kə ghaa n zat kə fəkaʼ a?” Ghə fɔɔngili a nii ghey n beeli ndow wi nə̀, “Ghey kəm khə way də̀ŋ kə loʼ kə, a may kə Kaysa.”

Tùm i dzuŋu zə kuum Yeso Klisto tə Jɔn â tɔɔnə 7:39

Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Kəfwaʼ 22:14

Tə n daŋŋə dza bə tə mə nə̀, ‘Zə̀ kə ghə bày bày a saa kə n wɔ sày nə̀ wə i khə ghəə ghey tə ləghənə, wə koʼ Wù kəfwaʼ a wi wən tə loʼnə Tsətsəghə, wə i zow soʼo ghɔɔmə zey i shiə bənə n dzuu i wi.

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 3:12

Ambə Pita koʼ tsunə sey, tə n dza ndow tə ghə̂ ghey nə̀, “Ghə̂ a Izree ghə, à lo kee dzuu i zumnə ghaa n ghəə zən ə? A loʼ kee ghaa laalənə ghey n ndzoʼo jii zən ə? À loʼ kee ghaa laalənə ghey tə a i dzanə à loʼ n daʼa kə ghey, ghey ghəŋənə nə̀ wù wən bwey nkee ghaa moʼlə nə̀ ghey loʼ ghə̂ a dzuŋu ghə n sə K-a-zə̀ ni ghəŋə nə̀ wù wən bwey ə?

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.

Kəfwaʼ 4:30

Dii bə daʼa kə kə̀ sey nə̀ ghey i loʼ ni baŋŋə ghə̂ ghə, ghey i ghəŋə ghəə a faalə ghə n zəd i Yeso, wù kəfwaʼ wə u zow wə.”

Kəfwaʼ 7:32

‘N loʼ Zə̀ kə ghə bày bày wə, tɔŋɔ, Zə̀ kə Abraham, Zə̀ kə Ayzik nsə Zə̀ kə Yakɔb kə.’ Mushi n tsəŋŋə kɔʼ bə n wɔ tsəŋ zə, fə̀ŋ n way wi ni buʼ laalə ndow fu.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.