Kəfwaʼ 3:10 - Kaa n Kəzə̀ n fəghə mə

¹⁰ ghə n koʼ keeli ndow wi nə a loʼ wù wey tə â nɔɔ tsənə n fuʼ u mbàa u ndaw Kəzə̀ i nii zey ghə tɔŋɔnə nə a loʼ fuʼ u mbàa u dzuŋu wə. Dzuu zə n zum ghə, ghə n məʼlə kìi ghəə zey i shinə n kow wi.

Kəfwaʼ 3:10 Mawu Ofanana

Matyo 14:35

Nghee tə ghə̂ ghey fu koʼ keeli tsunə wi, ghə n tûm tɔŋɔ bə ghə̂ a dzaŋa ghə adzəm n mboʼ i tii zə n səə wi.

Lukas 4:36

Dzuu zə n ngii zùm ghə̂ ghey fu, ghə n bəbə n wû i ghə nə̀, “À wən loʼ ndzoʼo ghɔɔmə i ghaa zə n daʼa kə sa a? Wù wən tsəʼlə kəlaŋ tə vəətsəə ghə n shiə nuulə bə.”

Lukas 9:43

Dzuu zə n ngii zum aghə̂ ndzoʼo daʼa kə faalə key Zə̀ kə khənə. Tə n dza ndòw tə̀ tsətəndəghə tə wi tə nə̀,

Tùm i dzuŋu zə kuum Yeso Klisto tə Jɔn â tɔɔnə 5:20

I loʼ sey bòʼ nə̀, Bày ləghə Waa, tə u diinə ghəə ghey adzəm tə ghəŋŋənə tə̀ wi. Tə î buʼu dii wi n ghəə ghə nə̀ a tsəghəshi a ghən, dzuu zə i zum ghaa tii.

Tùm i dzuŋu zə kuum Yeso Klisto tə Jɔn â tɔɔnə 9:3

Yeso n beeli kɔʼ nə̀, “Fəb i wi i khə dzə way ghə i loʼ zə ni ghəŋə ghi bəb i wi zə nkee bəb i ghə bày a wi. Ghə wi ji sey nə̀, Zə̀ kə i tsəghə n kow wi ni dii daʼa kə wi.

Tùm i dzuŋu zə kuum Yeso Klisto tə Jɔn â tɔɔnə 9:8

Ghə̂ ghə ukɔli u wi nsə ghə̂ ghey ghə â koʼnə wi n nəŋə zey tə â nɔɔ kaabə tsənə n bəbə n wû i ghə nə̀, “À wən way wù wey tə â doʼlə tsənə, nɔɔ ufə n wɔ ghə̂ ghə ə?”

Kəfwaʼ 2:12

Dzuu zə n ngii zum ghə, ghə n kəŋə kìi kətow, bəbə kuulə kə n wû i ghə nə̀, “À wən loʼ ndzoʼo ghə i ghaa zə ə?”

Kəfwaʼ 2:7

Ghəə zən n tsəghəshi ghə, ghə kəŋə kii kətow tii, zey ndow ni bəb n wû i ghə nə̀, “N dza ghə̂ ghən mgbaŋ loʼ ghə̂ a Galili ə?

Kəfwaʼ 3:2

Wù kəkəŋŋə u loʼ wə n loʼ fu n fuʼ u mbàa wən ghə â tɔŋŋə nə̀ aloʼ fuʼ u mbàa u dzuŋu wə. Ghə â ji wi nə tə loʼ kəkəŋŋə, ghə̂ ghə n bòʼlə bəghə tsə wi tsuʼu ndzəm, bə naŋŋə bə wi n fuʼ u mbàa wey nə̀ tə i nɔɔ khəə wə n wɔ ghə̂ ghey ghə tsəghə nyiənə n ndaw Kəzə̀ i nii zə.