Kəfwaʼ 3:1 - Kaa n Kəzə̀ n fəghə mə

¹ N tsuʼ fə loʼ fə, Pita nsə Jɔn n ndow n ndaw Kəzə̀ i nii zə nə tənəŋə tətəghə n tsə tə n nəŋə zey ghə gɔŋŋə tsənə tii.

Kəfwaʼ 3:1 Mawu Ofanana

Matyo 17:1

Ambə tsuʼu n tsəghə tsunə ntuubə tə̀ Yeso dza tsunə nə̀ i khə ni fəghə, ghə wey wi, tə n ney kɔʼ Pita, Jeyms ghi waazə ə wi Jɔn, nuu kɔʼ ndòw n tow kə kaʼ u dabə u loʼ wə, ghə n loʼ fu n nəŋə ghə.

Matyo 26:37

Ambə tə ndownə, tə n ney kɔʼ Pita nsə waa a Zebedi ghey abəghə. Tə n nuu muŋi doʼo tsu, kaʼ tsu ni bàŋŋə fə̀ŋ.

Matyo 27:45

Ambə n fəŋ ə tsə̀, ləm kə n bwu bə nə inaʼ idzəm ndòw kuum ndòw nə tənəŋə tətəghə n tsə̀ tə.

Lukas 1:10

Ambə nəŋə zey tə̂ daanə nəŋ zə, nɔɔ kə aghə̂ kə n loʼ bii ghə gɔŋŋə.

Lukas 18:10

“Ghə̂ a loʼ ghə â loʼ tsə kənu, tow u ghə ubəghə, umɔʼ n loʼ nə a loʼ wù Falasi, u loʼ wey n loʼ wù kwɔɔ u kəmàʼlə wə, ghə n nuu kɔʼ ndòw n Ndaw Kəzə̀ i nii zə n Yerosalem ni ndòw gɔŋŋə.

Lukas 22:8

Yeso n tûm ndòw Pita ghi Jɔn isə dza, “Ndow khəələ na fəzəə u Zə̂ kə taa zaʼa kə tə̀ saa ni zə̂.”

Lukas 24:53

Ghə n ndow n Ndaw Kəzə̀ i nii zə n Yerosalem tsuʼu ndzəm, ghə ndow fuunə kɔʼlə mə tə̀ Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 21:7

Ngəd zey Yeso â ngii ləghə tsənə n dza tə̀ Pita nə̀, “À loʼ Mûkəbii!” Ambə Shimun Pita zow tsu sey, tə n ney dzəŋə kɔʼ ndzə tə wi tey tə â tsɔʼ naŋanə nə kəfən nghee tə fwaʼanə, taa nyi tsu nə inyi, təghə shi kəŋə ndow n nguŋ.

Kəfwaʼ 10:3

N tsuʼ fə loʼ fə, nə a kɔʼɔ ndow tənəŋə tətəghə n tsə tə, jim wə n bə wi nə tə mə koʼ ndow tsəndəghə ə Kəzə̀ i nyi bənə, dza tə wi nə̀, “Kɔnilus!”

Kəfwaʼ 10:30

Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 3:3

Ambə tə koʼ ndownə Pita ghi Jɔn ghə tsəghə nyiə ndownə n ndaw Kəzə̀ i nii zey, tə n nɔɔ ndow ukhəə n wɔ ghə.

Kəfwaʼ 3:4

Pita ghi Jɔn n laalə nyi ndow wi n waa asə̂. Pita n daŋŋə dza ndow tə wi nə̀ “Laalə bə ghey!”

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 5:25

Sey, wù loʼ n daŋŋə ndow tsəghə nyi bə, dza tə ghə nə̀, “Koʼo na! Ghə̂ ghey ghaa â fii naŋanə, ghə ghey fey n bii kə ndaw Kəzə̀, dii aghə̂ n ghəə ghə.”

Kəfwaʼ 8:14

Nghee ngəd tə Yeso tey n Yerosalem zow tsunə nə̀ ghə̂ a Samaria ghə n bəghəm tə tûm Kəzə̀, ghə n tûm ndow Pita ghi Jɔn n səə ghə.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.