Kəfwaʼ 28:8 - Kaa n Kəzə̀ n fəghə mə

⁸ Zə n bə shi kɔʼ nə̀ bày Poblus nyəŋ nə ukay n wû wə nsə tɔ̀ɔ fə, fə fəmmənə wi. Pɔl n tsəghə nyi ndow n dzuu i ndaw i wi, nyi gaʼ tsu awɔɔ n kow wi, gɔŋŋə tsu, baŋŋə kɔʼ wi.

Kəfwaʼ 28:8 Mawu Ofanana

Matyo 10:1

Yeso n tɔŋɔ tsu ngəd tə wi ighəm nsə ghii tə təbəghə, fuu tsu ghə n daʼa kə, tə̀ ghə loʼ ni dzùm shiə zay u bəbə wə, baŋŋə tədzaŋa tədzəm.

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Matyo 12:13

Sey tə n dza ndòw tə̀ wù wey wɔɔ kə wi kə â təghə doʼonə nə̀, “Naalə shi ndòw wɔɔ kə kə̀.” Wù tii n naalə shi ndòw soʼo. Wɔɔ kə tii kə n daŋŋə taw doʼo dzəŋŋə bə tə̀ a loʼ kə loʼ key.

Matyo 9:18

Nghee Yeso sə̀ nam khəə ghəə ghə, a n dza i koʼ, wù nii u loʼ wə n ndaw kədzəŋi ə ghə̂ a Təjuu n shi ndòw, nyaʼa ndòw n tənə wi, dza tə̀ wi nə̀, “Waa wuŋ u zən u sa kuʼlə kpu tsunu, kee bə mɔm tsu kə wi n tuʼ i mɔm zə, tə i taw kɔʼ.”

Malakus 16:18

nə̀ ghə kwu kə zuu n wɔɔ, nkee ghə mə̂nə nəb, zə i ghəŋə dzə way ghə i loʼ zə n kow ghə, ghə i mɔm ndòw ghə̂ a dzaŋa ghə n wɔɔ, ghə n taw doʼo i bə.”

Malakus 5:23

Tə n buʼ Yeso n wɔɔ kə dza nə̀, “Waa fuŋ fə zən fə dzaŋanu, loʼ n ghəə a kpuu ghə, n buʼ kəwɔɔ, bə gaʼ bə wɔɔ kə kə̀ n kow wi tə̀ tə taw doʼo bə, tə muu dzəŋŋə bə utaw.”

Malakus 6:5

Sey, tə n way ni ghəŋə ndəmə nfaalə fu, a may kə səfə ghə̂ a dzaŋa à loʼ ghə tə a mɔmnə ghə, ghə n taw kɔʼ.

Malakus 7:32

Ghə̂ a loʼ ghə n ney bə wù loʼ n səə wi nə̀ tə n kuʼ doʼo, ghɔɔmə dzɔbə soʼo way. Ghə n buʼ Yeso n wɔɔ kə nə̀ tə mɔm tsu kə wù tii n wɔɔ.

Lukas 13:13

Yeso n gaʼ ndòw awɔɔ nkow weyzən wey, tə n daŋŋə naalə shi ndòw uwû, təmi i kɔʼ tsətsəghə, kaʼ ndòw ni fu nkɔʼlə tə̀ Zə̀ kə.

Lukas 4:40

Ambə n nəŋə i fənə zə, ghə̂ ghə n kaʼ ni ney bə ghə̂ a ghə a dzaŋa ghə n səə Yeso. Tə n mɔm kə kay, wù tii n taw kɔʼ.

Kəfwaʼ 28:7

Sum u loʼ wə n kuʼlə loʼ fu nə̀ a khə wù loʼ ghə â tɔŋŋə nə̀ à loʼ Poblus, tə â loʼnə wù nii n naʼ zey dzuu dzəŋŋə naŋa kɔʼnə. Tə n ney naŋa ghey n ndaw wi, ngii dii ghey n ləghə zə, laalə kɔʼ bə soʼo tə ghey nə ntsuʼu ntəghə.

Kəfwaʼ 28:9

Nghee ghəə ghən shi kɔʼnə, ghə̂ a dzaŋa ghey adzəm fu n naʼ zey dzuu dzəŋŋə naŋa kɔʼnə n ndow bə soʼo, Pɔl n baŋŋə kɔʼ ghə.

Kəfwaʼ 9:40

Pita n kuŋŋə dza kə tə ghə nə̀ ghə nuu shi ndow a bii ghə adzəm. Tə n təm ndow tənguʼ aghəd, gɔŋŋə i tsu. Tə n khə̀mə ndow uwû n bad key vən zey zə â nyə̀ŋnə tii, dza tsu nə̀, “Tabita, nuu kɔʼ!” Tə n chi kɔʼ sə̂ a wi, nghee tə koʼ kɔʼnə Pita, tə n nuu doʼo i kɔʼ.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 12:9

Zay kə Zow kə fuu wù umɔʼ n bəghəm i fə̀ŋ i nii zə, Zay kə mɔʼɔ kə n fuu tə u loʼ wey n naamə kə ni baŋŋə ghə̂ a dzaŋa ghə,