Kəfwaʼ 28:7 - Kaa n Kəzə̀ n fəghə mə

⁷ Sum u loʼ wə n kuʼlə loʼ fu nə̀ a khə wù loʼ ghə â tɔŋŋə nə̀ à loʼ Poblus, tə â loʼnə wù nii n naʼ zey dzuu dzəŋŋə naŋa kɔʼnə. Tə n ney naŋa ghey n ndaw wi, ngii dii ghey n ləghə zə, laalə kɔʼ bə soʼo tə ghey nə ntsuʼu ntəghə.

Kəfwaʼ 28:7 Mawu Ofanana

Kəfwaʼ 13:7

Tə n loʼ wù kəfwaʼ tə gɔvənɔ wey fu inaʼ ghə â tɔŋŋə nə̀ a loʼ Sejus Pɔlus. Gɔvənɔ wən n khə utɔb, sey, tə n tûm tɔŋɔ bə Banabas ghi Sɔl n təŋkey tə â ləghə ni zow tûm Kəzə̀.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 23:24

Bayyə tsu soʼo n na khinyam u loʼ wə tə Pɔl ni nyəŋ ndow tii, ghaa ney ndow wi nə Feliks tə loʼnə gɔvənɔ nə̀ kaakaa fə ka wi mɔm.”

Kəfwaʼ 28:2

Ghə̂ ghə inaʼ a tii ghə n ngii dii ghey n ləghə zə, kpiney kɔʼ soʼo ghey. Ambə ghow i kaʼ tsunə ni tsu, ghə̂ inaʼ ghey n faalə kɔʼ uvələ nə ghey zɔy n təŋkey fəb wə â ngii loʼnu.

Kəfwaʼ 28:6

Ghə n ləmmə ni koʼ Pɔl tə maŋ nuu kaʼ tsunə ni mowwə shi ndow, nkee tə maŋ nuu bwu kpu bənə. Ambə ghə ndəŋ ləmə kəŋə ndownə, koʼ nə̀ ghə i loʼ i shiə way n kow wi, ghə n kweyyə kɔʼ moʼlə tə ghə, kaʼ ndow ni dza nə̀ tə loʼ fəzə̀.

Kəfwaʼ 28:8

Zə n bə shi kɔʼ nə̀ bày Poblus nyəŋ nə ukay n wû wə nsə tɔ̀ɔ fə, fə fəmmənə wi. Pɔl n tsəghə nyi ndow n dzuu i ndaw i wi, nyi gaʼ tsu awɔɔ n kow wi, gɔŋŋə tsu, baŋŋə kɔʼ wi.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Hibru 13:2

I kə ghaa i neyzəə ni kpii ney ghə̂ ghən ghə bwey bəghənə n ndaw tə ghaa. Ghə̂ a loʼ a mâ ghəŋə sey, ghə n kpii ney kɔʼ tsətəndəghə tə Kəzə̀ nə̀ ghə khə way.