Kəfwaʼ 28:2 - Kaa n Kəzə̀ n fəghə mə

² Ghə̂ ghə inaʼ a tii ghə n ngii dii ghey n ləghə zə, kpiney kɔʼ soʼo ghey. Ambə ghow i kaʼ tsunə ni tsu, ghə̂ inaʼ ghey n faalə kɔʼ uvələ nə ghey zɔy n təŋkey fəb wə â ngii loʼnu.

Kəfwaʼ 28:2 Mawu Ofanana

Matyo 10:42

N kuum dza bə tə̀ ghaa nə̀, wù wey tə tey fuu kənə wɔ̀ɔ mmuu i kay zə tə̀ nyaŋi fə wù fə n ghə̂ ghən n zəd i dzûmə tuŋ, î ndzəmə keelinu naamə kə.”

Tùm i dzuŋu zə kuum Yeso Klisto tə Jɔn â tɔɔnə 18:18

Ghə̂ a kəfwaʼ a fɔɔngili u nìi nìi wey nsə bwoli tey n faalə kɔʼ uvələ nə təkay ni zɔy, n təŋkey, fəb wə â loʼnu. Ambə ghə zɔy vələ u tii wə, Pita n səŋŋə kəŋə ndow soʼo fu ni zɔy vələ u tii wə ghi ghə.

Kəfwaʼ 27:3

Tsətsə wey, ghey n nyi ndow n Sidɔn. Juliɔs n dii Pɔl n fə̀ŋ i dzuŋu zə, zəghə soʼo wi nə̀ tə ndow koʼ fə a wi tə ghə fuu wi n gaamə zə n fə wey tə laʼanə.

Kəfwaʼ 28:3

Pɔl n loʼ nə̀ tə n kûmmə kaabə bə dzə̀ghə̀ nkaʼ, tə n kpəʼlə nyiə ndow fu nə uvəllə. Nghee vəllə u nyiʼi kɔʼ fu nə nkaʼ, zuu n ndow tyi shi bə fu nə nkaʼ, tsow tsu Pɔl, zən doʼo kɔʼ n kpii kə wi.

Kəfwaʼ 28:4

Ambə ghə̂ a naʼ zən koʼ nghee zuu zey zənnə n kpii kə Pɔl, ghə n dza n wû i ghə nə̀, “Wù wən teeli loʼ wù wey tə weyyənə ghə̂ ghə. Nghee tə buʼ nɔb shi kɔʼ bə kənə n nali kə dzuu, zə̀ kən kə saʼanə ghə̂ ghə n jìi zey i loʼnə tsətsəghə, i bəghəm way nə̀ wù wən muu fa n mbi.”

Roma 1:14

I loʼ nə̀, n teeli khə ni naʼa tûm i dzuŋu zə tə ghə̂ ghə adzəm, ghə̂ ghə nkala nsə ghə̂ ghə inaʼ ghə, ghə̂ ghey ghə nyinə màʼlə kə nsə ghə̂ ghey ghə khə way màʼlə kə.

Roma 14:1

Ghaa khə ni bəghəm naŋa dzûmə tə Klisto tey tə loʼ nə̀ ghə ka kam tɔʼ beyyə taw n bəghəm i fə̀ŋ i ghə. Kə ghaa nə baŋŋənə fəghəm tə ghi ghə n ghəə zey ghə moʼlənə nə̀ i kpiinu nkee i zey ghə moʼlənə nə̀ i kpiilə way.

Roma 14:3

Sey, wù wey tə zə̂ənə fə wə udzəm khə way ni koʼo kii wù wey tə zə̂ə way fə u tii wə udzəm tə a loʼ wi. Wù wey tə kee say fəə kənə tow u fə wə, khə soʼo way ni saʼ wù wey tə zə̂ənə fə wə udzəm n təŋkey, Zə̀ kə n ghə bəghəm.

Roma 2:27

I sey diinə, wù wən tə way wù juu, tə naŋŋənə laŋ u Kəzə̀ wə loʼnu ni saʼ ghaa n təŋkey, ghaa naŋŋə way laŋ u Kəzə̀ wə, loʼ sey nə̀, à mgbaŋ khə ghaa ghəə ghey a tɔ̀ɔ doʼonə nə kəlaŋ, ghaa a loʼ soʼo nə̀ ghə n tyi u ghaa u səghə.

1 Kɔrint 14:11

Sey, abə n zowkeeli way ghəə ghey wù ghɔɔmənə, i dii nə̀ n loʼ wù kətûm tə̀ wù wey tə ghɔɔmənə, tə u loʼ soʼo wù kətûm tə̀ mə.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

Hibru 13:2

I kə ghaa i neyzəə ni kpii ney ghə̂ ghən ghə bwey bəghənə n ndaw tə ghaa. Ghə̂ a loʼ a mâ ghəŋə sey, ghə n kpii ney kɔʼ tsətəndəghə tə Kəzə̀ nə̀ ghə khə way.