Kəfwaʼ 27:1 - Kaa n Kəzə̀ n fəghə mə

¹ Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 27:1 Mawu Ofanana

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Lukas 7:2

Wù nii u təsawgoʼ u loʼ wə n lòʼ fu, wù kəfwaʼ a wi u loʼ wə tə â ngi ləghənə n dzaŋa, loʼ n ghəə a kpuu ghə.

Kəfwaʼ 10:1

Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 16:10

Ambə Pɔl koʼ tsu jim wən, ghey sey daŋŋə dzəŋi bəghəm kɔʼnu nə̀ Zə̀ kə n ghey tɔŋɔ nə̀ ghey ndow naʼa tûm i dzuŋu zə n Masedonya. Ghey n daŋŋə kuumə kɔʼ ufə ni ndow fu.

Kəfwaʼ 18:2

Tə n ndow kpiilə ndow ghi wù Juu u loʼ fu ghə â tɔŋŋə nə̀ aloʼ Akwila ghə â jinə wi n naʼ i Pontus. Tə n loʼ ghi wey wi Prisila. Ghə â kuʼlə nuu bə n naʼ i Itali kuumnə Klodius wən tə â loʼnə də̀ŋ kə Roma kə â tsəʼlə kəlaŋ nə̀ ghə̂ a Təjuu adzəm a zəghə naʼ i Roma. Pɔl n nuu ndow ni ndow koʼ ghə.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 21:32

Tə n daŋŋə mbad ney kɔʼ təsawgoʼ nsə ghə̂ a nii a loʼ ghə, nyəŋ nyi tsu ndow n fəŋŋə kə ghə. Ambə ghə nuu baŋ koʼ kɔʼ wù nii təsawgoʼ ghi sawgoʼ tə, ghə buu naŋa tsu ni bwɔd Pɔl.

Kəfwaʼ 22:26

Ambə wù nii təsawgoʼ wey zow tsu ghəə ghey, tə n ndow koʼ ndow tow kə təsawgoʼ wey, dza tə wi nə̀, “Wə nya dza i ghəŋə ghəə i ghaa zə ə? Wù wən loʼ wù Rom!”

Kəfwaʼ 23:11

N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Kəfwaʼ 23:17

Pɔl n daŋŋə tɔŋɔ tsu wù nii təsawgoʼ umɔʼ, dza tə wi nə̀, “Ney kɔʼ ndow winətəghə wən n səə tow kə təsawgoʼ, tə khə ghə i loʼ zə ni dza tə wi.”

Kəfwaʼ 24:23

Tə n daŋŋə dza ndow tə̀ sawgoʼ zey zə â keyyənə Pɔl nə̀ tə ney dzəŋŋə ndow wi n ndaw tsaʼ, tə nyaʼi zəghə tsu soʼo wi tə i ney kɔʼɔ kɔŋŋə kə. Tə n dza tsu soʼo nə tə ka dzum dzəŋŋə dzə fə̂ a wi ghə abə ghə bə ni bə fuu wi n gaamə zə.

Kəfwaʼ 25:12

Festus n saalə kɔʼ ghi ghə̂ a ndaw tsə a wi ghə, dza ndow tə wi nə̀, “Wə nɔɔ bə nə a tûm ndow saʼ zə tə Kaysa. Wə nya khə kə ni ndow n səə Kaysa.”

Kəfwaʼ 25:25

Mə n laalə tsunə saʼ a tii, koʼ nə̀ tə ka ghəŋə dzə ghə i bəbə i loʼ zə tə ghə loʼ ni wey wi tii. Nghee tə ndzɔʼ dza bə dzə n wû u wi wə nə a tûm ndow saʼ a wi tə də̀ŋ kə Rom kə, mə n dza nə̀ n tûm ndownu wi fu.

Kəfwaʼ 27:11

Wù nii təsawgoʼ wey n kee tɔʼ naŋa ndow kə kətow n ghəə ghey wù sìi u kəfən wey ghi mû kəfən mə dza tsu, ka naŋa kətuŋŋə n ghəə ghey Pɔl mə dza tsu.

Kəfwaʼ 27:43

Wù nii təsawgoʼ wey n kee ləghə ni bəghəshi Pɔl, sey, tə n ka bəghəm nə̀ sawgoʼ tey ghəŋə ghəə zey ghə mə kad naŋanə. Tə n dza tsu nə̀ ghə̂ ghey ghə loʼ ni təghə n dzùu, ghə taalə nuu shi ndow nə kəfən isə̂, ghə təghə daŋ ndow n nguŋ ə dzùu.

Kəfwaʼ 27:6

Nghee ghey loʼnə fu, wù nii təsawgoʼ wey n keeli kɔʼ kəfən kə nuu bə n Alekzandra nə kə daŋa n Itali, sey, tə n kuu kɔʼ ghey tii.

Kəfwaʼ 28:1

Ambə ghey nɔb shi kɔʼ bənə n nali kə dzuu, ghey n kəŋ keeli shi kɔʼ n wɔ ghə̂ ghey ghə muunə fu nə̀ ghə tɔŋɔ naʼa zey dzuu zey dzəŋ ngəə kɔʼnə a loʼ Malta.

Kəfwaʼ 28:16

Ambə ghey bə nyi bənə n Rom, ghə n zəghə tsu Pɔl nə tə muu n ngəŋ ə wi, kee naŋa tsu kə sawgoʼ imɔʼ nə zə i keyyə wi.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.