Kəfwaʼ 26:9 - Kaa n Kəzə̀ n fəghə mə

⁹ Wû wuŋ, mə â moʼlə soʼo nə n tsəm khə ni kəŋ tsu təjìi tədzəm ni tuu maʼa nə̀ ghə̂ a ka bəghəm zəd i Yeso wù Nazaled.

Kəfwaʼ 26:9 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 22:4

Mə â chɔdlɔ tsə ghə̂ ghey ghə â dzûmə jii zən i loʼnə i Mûkəbii zə, buʼ ghəŋə daŋŋə nə ghə kpu. Mə n ghəŋŋə nə̀ ghə i kwɔɔ fii naŋŋə gheynum ghə nsə gheyzən ghə n ndaw tsaʼ.

Kəfwaʼ 22:8

Mə n bəb kɔʼ nə̀, ‘Wə loʼ ndee a Mûkəbii?’ Tə n dza tə mə nə̀, ‘N loʼ Yeso, wù Nazaled wey wə chɔdlɔ kaabənə.’

Kəfwaʼ 24:5

Ghey n koʼ nə̀ wù wən loʼ wù uchɔd. À loʼ wi tə soʼo kaabə tsənə chɔd wə n fəŋŋə kə ghə̂ a Təjuu fa n mbi idzəm. À loʼ soʼo wi tow kə n zəghə u loʼ wə ghə tɔŋŋə nə̀ a loʼ zəghə u Nazarin.

Kəfwaʼ 3:17

Waazə ghə, n khənu nə ghaa nsə ghə̂ ghən ghə laalənə ghaa, ghaa â ghəŋə ghəə ghən n kow Yeso n təŋkey ghaa â khə way ghəə zey ghaa â ghəŋŋənə.

Kəfwaʼ 3:6

Pita n fəd dza ndow tə wi nə̀, “N ngəmsə khə way khəə wə ni fuu tə wɔ, n kee fuunu wɔ n fə key n khənə ghii kə. N zəd i Yeso Klisto wù Nazaled, nuu təmi kɔʼ, wə bwey ndow.”

Kəfwaʼ 9:1

Nghee ghə â chɔdlɔnə dzûmə tə Klisto tə, Sɔl n bii kaabə ni wey ghə. Sey tə n ndow koʼ ndow fɔɔngili u nii nii wə,

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 10:2

N gɔŋŋə sey n təŋkey n loʼ ni təmi tiilə bòʼ ghə nə̀ ghə ndzəmə ləghənu ni ghəŋŋə ghəə ghey Zə̀ kə ləghənə, à kee loʼ nə̀ ghə khə way jìi zey i kpiinə tə ghə ni ghəŋə ghəə a tii ghə.

Filipi 3:6

Mə â ngii khə tsə zay n laŋ kə inaʼ kə ghə̂ a Təjuu, mə n fuu tsə̀ ghə̂ a Ndaw Kəzə̀ n chɔd wə. Abə n ghəə ghən a loʼnə tsətsəghə tə laŋ kə dii nə̀, mə â naŋŋə tsə kəlaŋ sa, tsəm khə way bwu i loʼ zə.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.