Kəfwaʼ 26:6 - Kaa n Kəzə̀ n fəghə mə

⁶ Ghə mə fa nya saʼa boʼnə n bəghəmnu, ləmmə tənə təb key Zə̀ kə â təb naŋanə tə ghə bày bày a ghey ghə.

Kəfwaʼ 26:6 Mawu Ofanana

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 24:15

N ləmmə tənə tə Zə̀ kə ighələ tə ghə ləmmə tənə soʼonə nə̀ ghə̂ ghən ghə loʼnə tsətsəghə nsə ghə̂ ghən ghə way tsətsəghə, i zhəm dzəŋŋə bənu nə ivə.

Kəfwaʼ 24:21

A may kə ighəə imɔʼ mə â taw shi kɔʼnə n ndzə̂ tii nə n loʼ ghi ghə n ndaw tsə̂. Mə â dza nə̀, ‘Ghə mə na fa saʼa boʼnə n naʼlə nə̀ ghə̂ a zhəm dzəŋŋənu nə ivə.’”

Kəfwaʼ 26:8

A loʼ kee i tawnə tə ghaa ghən ghaa loʼnə fa, ni bəghəm nə Zə̀ kə loʼnu ni zhəm nuu dzəŋŋə bə wù nə ivə?

Kəfwaʼ 28:20

À wən loʼ ghə i tii zə n tɔŋɔ naŋa bənə ghaa na fa, nə̀ n tiilə dza bə soʼo tə ghaa ghəə zey i tsəghənə. Ghə mə fa nə tətsaʼ kùm naŋa bòʼ wù wey Zə̀ kə â dza naŋa nə̀ i tûm bənu tə ghə̂ ghə Izree ghə.”

Kəfwaʼ 3:24

Ndzəm ndzəm, tûm tə Kəzə̀ tədzəm, ni ney nuu bə n kow Samwel, ghə mâ naʼa zey ghəə ghən a shiənə n tsuʼu n mən.

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.