Kəfwaʼ 26:3 - Kaa n Kəzə̀ n fəghə mə

³ boʼnə wə tɔʼ khənu ghəə ghə inaʼ a ghə̂ a Təjuu ghə nsə ghəə ghey a ghəŋŋənə nə̀ ghə̂ a ka bəghəm dzəŋi. N buʼu kəwɔɔ tə wɔ nə̀ wə kow tsu fə̀ŋ, wə zəllə tsu ghɔɔmə zuŋ.

Kəfwaʼ 26:3 Mawu Ofanana

Kəfwaʼ 21:21

Ghə mâ dza tə ghə nə̀ wə dii kaabə ghə̂ a Təjuu ghən adzəm ghə muunə n naʼa tə ghə̂ ghən ghə way ghə̂ a Təjuu ghə nə̀ ghə zəghə maʼa laŋ kə Mushi. Ghə mâ zow soʼo nə̀ wə tuu nə̀ kə ghə nə səghənə tyi u waa a ghə ghə, ghə ka tsəm naŋa soʼo ghəə ghə inaʼ a ghə̂ a Təjuu ghə.

Kəfwaʼ 24:10

Ambə Feliks tɔŋɔ gɔvənɔ sɔʼ ndow wɔ kə tə̀ Pɔl nə̀ tə ghɔɔmə, Pɔl n dza nə̀, “N khənu nə̀ wə n saʼ naʼ zən n ndəmə tənum, n duʼlənu ni tiilə dza bə n sə kə nə n ka ghəŋə bəəbə dzə ghə i loʼ zə.

Kəfwaʼ 24:4

À kee loʼ kə nə n ləghə way ni bəəbə nəŋə zə. N buʼu bə kəwɔɔ nə̀ wə nyaʼi kow tsu fə̀ŋ ni zəllə bə ghɔɔmə i ghey zən n gboolə khəələ kɔʼnə.

Kəfwaʼ 25:26

A kee loʼ kə nə n khə way ghəə zey tə baa ghəŋə bəəbənə tə n loʼ ni tɔ̀ɔ dza ndow tə də̀ŋ kə Rom. À wən loʼ i ghi n ney bənə wi n sə̂ kə ghaa adzəm, n baa ney bə wi n sə̂ kə a fɔɔ Agripa, sey nə̀, abə saa i tɔʼ laalə nyi tsunə saʼ a wi, mə i loʼ ni keeli ighəə ni tɔ̀ɔ.

Kəfwaʼ 26:2

“Fɔɔ Agripa, n moʼlə nə̀ n khə tow kə dzuŋu kə nə̀ a loʼ n sə̂ kə n khə ni tiilə dza nə̀ n ka ghəŋə bəəbə dzə ghə i loʼ zə n ghəə ghən ghə̂ a Təjuu a kwɔɔnə mə tii,

Kəfwaʼ 26:26

Fɔɔ Agripa khənu ghəə ghən adzəm. N ndzəmə khəə dzəŋinu ghəə ghə ghi wi nə̀ n tsəŋə way n təŋkey, n khənu nə̀ ghəə ghən n khəənə fa adzəm, i loʼ i way tii nə̀ a loʼ i fəghə zə tə wi, boʼnə ghəə ghən â ka ney dzə bənə kə nə kələm.

Kəfwaʼ 26:7

À wən loʼ təb kən naʼa tə ghey tən ighəm n ghii tə təbəghə tə ləmmə tənə ni keeli, nghee ghə ngɔɔmənə Zə̀ kə n tsə tə nsə n tsuʼu tə n fə̀ŋ tə ghə tə tədzəm. À loʼ bòʼ bəghəm zən a Mbee, ghə̂ a Təjuu a kwɔɔnə mə tii.

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 6:14

Ghey â zow wi tə dzanə nə̀ Yeso wù Nazared wən i saʼa maʼanu Ndaw Kəzə̀ ə saa zən, tə kwey kɔʼ soʼo ghəə ghə inaʼ ghən Mushi a fuu naŋanə tə̀ saa.”

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.