Kəfwaʼ 26:22 - Kaa n Kəzə̀ n fəghə mə

²² Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Kəfwaʼ 26:22 Mawu Ofanana

Matyo 26:24

Waa Weynum khə ni kpu tə̀ màʼlə K-a-zə̀ kə dzanə, a kee loʼ nə̀ ngoʼ loʼ tə̀ wù wey tə î fiilə fuu shiənə wi. À mə khə ni loʼ ghə i dzuŋu zə abə ghə â ka buʼ ji koʼ tsə wù tii.”

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Lukas 24:27

Sey, ni zey tsu n laŋ wey Mushi â tɔ̀ɔ naŋa nə̀, ney may bə tûm tə Kəzə̀ tədzəm, tə n tiilə kɔʼ bə ghəə ghey ghə â tɔ̀ɔ naŋŋənə n màʼlə K-a-zə̀ kûm wi.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Lukas 24:46

Tə n dza tə̀ ghə nə̀, “Ghə tɔ̀ɔ naŋa n màʼlə K-a-zə̀ nə̀ wù wən Zə̀ kə â dza naŋa nə̀ i tûm bənu, teeli khə ni koʼ uchɔd, ghə i wey wi, tə i zhəm dzəŋŋə bə nə ivə n bam zə ntsuʼu ntəghə.

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 5:46

Abə ghaa mə ndzəmə bəghəmnə tə̀ Mushi, ghaa mə bəghəm soʼo tə̀ mə̀, kuumnə ghəə ghey Mushi â tɔ̀ɔ naŋanə, tə â tɔ̀ɔ naŋa ghəə ghuŋ.

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 13:29

Ambə ghə ghəŋŋə may tsunə ghəə ghən màʼlə K-a-zə̀ kə dzanə adzəm bòʼ Yeso, ghə n ney tsu bə vən i wi n zat kə fəkaʼ, ndow tsəllə ndow wi n nyə̀ŋ isay ghə kpeyyə nyi ndownə nə̀ kənaa.

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 26:17

Mə i bəghəshiənu wɔ n wɔ ghə̂ ghə Izree nsə n wɔ ghə̂ ghən ghə way ghə̂ a Təjuu ghə. N tûm ndow wɔ tə ghə̂ ghən ghə way ghə̂ a Təjuu ghə.

Kəfwaʼ 26:6

Ghə mə fa nya saʼa boʼnə n bəghəmnu, ləmmə tənə təb key Zə̀ kə â təb naŋanə tə ghə bày bày a ghey ghə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Roma 3:21

Zə̀ kə n kee dii bə jìi zey i ghəŋŋənə nə̀ ghə̂ a doʼo tsətsəghə n sə kə wi. Jìi zən dii bə nə̀ wù doʼlə way tsətsəghə n sə K-a-zə̀ a dza tə naŋŋə kəlaŋ, nghee i buʼ loʼ kə nə̀ laŋ kə Mushi nsə tûm tə Kəzə̀ tə mâ tiilə dza ghəə ghə bòʼ jii tii.

1 Kɔrint 15:3

Ghə i səŋi zey i loʼnə n tûm i dzuŋu zey mə â fuu nduŋŋə bənə tə̀ ghaa loʼ nə̀, Klisto â kpu n tow u saa ni ney nuu ghəə a saa a bəbə ghə tə̀ i tɔ̀ɔ doʼonə n màʼlə K-a-zə̀.

1 Kɔrint 15:4

I tɔ̀ɔ doʼo soʼo n màʼlə K-a-zə̀ nə̀, tə â kpu tsunu, ghə n tsəllə tsu wi, ambə tsuʼu n tsəghə tsunə ntəghə, Zə̀ kə n zhəm dzəŋŋə bə wi nə ivə.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

Chi dii 11:18

Naʼa tə â ngii fəələ unəghə, N təŋkey nəŋə zey wə khə ni dii nəghə wə u fəə wə tii n bə, Nəŋə zey wə khə ni saʼ ghə̂ a kpuu ghə n bə. Nəŋə zə n bə tə̀ wɔ ni naamə ghə̂ a kəfwaʼ ghə, ghə̂ a tətûm ghə, ghə̂ ghə a zow ghə adzəm nsə ghə̂ ghən adzəm ghə ngɔɔmənə zəd zə zə̀, Ghə̂ a səŋi ghə nsə ghə̂ ghən ghə way ghə̂ a səŋi ghə Nəŋə zə n bə tə̀ wɔ ni ləŋi maʼa ghə̂ ghən ghə ləŋi maʼanə ghəlitsə kən.”

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 20:12

Mə n koʼ ndow ghə̂ a kpuu ghə, ghə̂ a səŋi ghə nsə ghə̂ ghən ghə way ghə̂ a səŋi ghə, ghə teynə n sə kə kuu kə fɔɔ key. Ghə n chiələ umàʼlə, bə chi kɔʼ kə loʼ kə nə à loʼ màʼlə ghə tɔ̀ɔ naŋanə zəd a ghə̂ ghey ghə i keelinə muu zə itsali zə a tii. Ghə i saʼa ghə a kpuu ghə n ghəə ghən ghə â ghəŋənə tə i tɔ̀ɔ doʼnə n màʼlə u tii wə.