Kəfwaʼ 26:20 - Kaa n Kəzə̀ n fəghə mə

²⁰ Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 26:20 Mawu Ofanana

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 3:8

I ghəŋŋə ndòw na ghəə ghey a loʼnə tsətsəghə ni dii nə̀ ghaa n màʼa ghəə a bəbə a ghaa ghə.

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 9:13

Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 1:16

Tə i ney dzəŋŋə bə fə̀ŋ tə ghə̂ ghə Izree tə̀ Bày Zə̀ kə ghə.

Lukas 13:3

Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey.

Lukas 13:5

Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 15:7

N dza bə tə ghaa nə a loʼ ighələ n fɔɔ u Kəzə̀, duʼlə i ngii loʼ idəŋ, abə wù bəbə umɔʼ kweyyə fəŋ ə wi, bəghəm tə Zə̀ kə, tsəghəshi abə aghə̂ nghəm ntaandzuu nsə ghə̂ ghə a tandzuu, ghə loʼ nə tsətsəghə n sə K-a-zə̀, ghə kəm khə way zuŋ kə ni kweyyə fə̀ŋ tə ghə.”

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 15:19

Jems n ndow n sə̂ kə dza nə̀, “moʼlə zuŋ i loʼ nə kə saa nə fəmmə ghə̂ ghən ghə way ghə̂ a Təjuu, ghə loʼ nə̀ tə n bəghəm tə Zə̀ kə.

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 26:17

Mə i bəghəshiənu wɔ n wɔ ghə̂ ghə Izree nsə n wɔ ghə̂ ghən ghə way ghə̂ a Təjuu ghə. N tûm ndow wɔ tə ghə̂ ghən ghə way ghə̂ a Təjuu ghə.

Kəfwaʼ 26:19

Pɔl n ndow n sə kə dza nə̀, “Fɔɔ Agripa, mə â bɔɔmə ghəŋə ndow kə ghəə ghey wù wey tə â tsu bə idəŋ â dza bənə tə̀ mə nə ujim.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 9:35

Ambə ghə̂ ghən adzəm ghə muunə n Lida nsə n Sharɔn koʼ tsunə wù wən, ghə n bəghəm fuu ndow tə Mûkəbii.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

2 Kɔrint 3:16

Abə wù tsəm bəghəm dzənə tə̀ Mûkəbii, Mûkəbii chiə nuulənu ndzə̂ tə tii tə.

2 Kɔrint 7:10

Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

Chi dii 16:11

Ghə n tsɔɔmə Zə̀ kə idəŋ kə, n fɔɔbə zey ghə â zownə nsə səghə ghə mey n kow ghə. Ghə n kee tuu tən ni kwey fə̀ŋ tə ghə n ghəə a bəbə ghey ghə â ghəŋŋənə.

Chi dii 2:21

Mə n fuu wi n nəŋə zə nə̀ tə kweyyə nuu bə fə̀ŋ ə wi n ghəə a bəbə ghən tə ghəŋŋənə, à kee loʼ nə̀ tə ndɔm ləghə way ni zəghə maʼa ghəə a laŋŋə ghən tə ghəŋŋənə.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.