Kəfwaʼ 26:18 - Kaa n Kəzə̀ n fəghə mə

¹⁸ À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 26:18 Mawu Ofanana

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Matyo 4:16

Ghə̂ ghey ghə â muunə nə kələm, N koʼ daa kə səŋi kə. Tsuʼ wə n na zow n kow ghə̂ ghey ghə â loʼnə nə kələm, ləmmə kə ivə.”

Lukas 1:77

Wə ghəŋə nə̀ ghə̂ a wi a keeli tsu nə̀ ghə î keeli ibəghəshi, abə Zə̀ kə neyzəənə ghəə a ghə a bəbə ghə.

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Lukas 2:32

Tə loʼ tə a loʼ utsə̂ ni fu sə̂ a koʼo ghə tə ghə̂ ghən ghə way ghə̂ a Təjuu ghə tə ghə i khə wɔ, tə̀ i ney bə soʼo nkɔʼlə tə̀ ghə̂ ghə Izree ghə.”

Lukas 24:45

Tə n chi kɔʼ tɔb u ghə tə̀ ghə zowkeeli tsu ghɔɔmə i Kəzə̀.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Tùm i dzuŋu zə kuum Yeso Klisto tə Jɔn â tɔɔnə 17:17

Sòw maʼa tsu ghə nə̀ ghə i zow nə isəŋə zey wə zoʼlə ghə tii, n təŋkey ghɔɔmə zə i loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 3:19

Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 9:39

Yeso n dza, “N bə fa n mbi ni bə saʼ aghə̂, sey nə̀, ghə̂ ghey ghə fəb doʼonə ghə i loʼ ni koʼ təluʼu, ghə̂ ghey ghə koʼonə luʼu tə ghə fəb doʼo bə.”

Tùm i dzuŋu zə kuum Yeso Klisto tə Jɔn â tɔɔnə 9:5

N loʼ kədaa tə ghə̂ a mbi ghə n nəŋə zən idzəm mə i doʼlənə fa n mbi.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 13:47

Kuum nə̀ a laŋ key Mûkəbii â fuunə tə ghey loʼ nə̀, ‘Mə n ghəŋŋə nə̀ ghaa doʼo kədaa tə̀ ghə̂ ghən ghə way ghə̂ a Təjuu ghə, Sey nə̀, ghaa loʼ ni ghəŋŋə nə̀ Zə̀ kə bəghəshi mbi idzəm.’”

Kəfwaʼ 15:9

Tə n ney ghə ighələ tə̀ tə â neynə saa nghee tə sow maʼa tsu fə̀ŋ tə ghə tə n ghəə a bəbə ghey ghə â ghəŋŋənə bòʼ bəghəm i fə̀ŋ zey ghə khənə n kow Yeso.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 26:19

Pɔl n ndow n sə kə dza nə̀, “Fɔɔ Agripa, mə â bɔɔmə ghəŋə ndow kə ghəə ghey wù wey tə â tsu bə idəŋ â dza bənə tə̀ mə nə ujim.

Kəfwaʼ 26:23

Ghə â dza naŋa nə̀, ‘Wù wey Zə̀ kə â dza naŋa nə̀ i tûm bənu khə ni teeli bə fəghə, tə kpu tsu dzə, a loʼ soʼo wi ni doʼo wù sə̂ isə̂ ni zhəm dzəŋŋə nə ivə, sey tə i naʼlə bə tûm bòʼ ibəghəshi i loʼnə tə a loʼ kədaa tə ghə̂ a Təjuu nsə ghə̂ ghən ghə way ghə̂ a Təjuu ghə.’”

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Kɔrint 6:14

Kə̂ ghaa nə̂ təmə dzəŋinə ghi ghə̂ ghən ghə ka bəghəm tə̀ Zə̀ kə. N dza sey n təŋkey muu zən i kpiinə tə̀ Zə̀ kə bwey dzəŋi way ghi muu i bəbə zə. Ləm kə way soʼo ni doʼo n luʼu key daa kə loʼnə tii.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 3:14

Zuŋ key tə a kùm shinə saa â loʼ ni ghəŋə nə̀ ghə̂ ghən ghə way ghə̂ a Təjuu ghə, ghə loʼ ni mbɔŋ keeli soʼo buulə zən Zə̀ kə â fuunə tə Abraham n bam i Yeso Klisto. Seynə saa loʼ ni keeli Zay kə Zow kən Zə̀ kə a təb naŋanə n bam i bəghəm i fə̀ŋ i saa.

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?

Efesus 1:11

À loʼ nghee saa loʼnə nə kəfə kəmɔʼ ghi Klisto, Zə̀ kə say soʼonə saa nə̀ saa keeli naamə key tə â naʼa naŋanə. Tə n bɔɔmə fwaʼ kɔʼ bə aghəə adzəm tə̀ tə â moʼlə naŋanə ni fwaʼ, tə n bayyə naŋa i tsu.

Efesus 1:14

Zə̀ kə fuu saa n Zay kə Zow kə tə̀ a loʼ tsəə nə saa i keelinu naamə key nsə bəghəshi zey Zə̀ kə təb naŋanə, sey nə̀, saa i kɔʼlə wi bòʼ ghaʼ i wi.

Efesus 1:18

N gɔŋŋə soʼo nə̀ fə̀ŋ tə ghaa tə chi kɔʼ ni koʼ tsə ə Kəzə̀, sey nə̀, ghaa i loʼ ni tɔʼ zowkeeli ghəə ghey ghaa gaʼnə fə̀ŋ tii tə̀ a loʼ ghə̂ a Kəzə̀. N ləghə nə̀ ghaa zowkeeli tsu naamə kə nii key nsə buulə zey tə â təb naŋanə ni fu tə̀ ghə̂ a wi ghə.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Efesus 4:18

Fə̀ŋ tə ghə tə zowkeeli way ghə i loʼ zə n ghəə a Kəzə̀, ghə khə soʼo way wɔɔ kə n muu zən Zə̀ kə fuunə, n təŋkey, ghə khə way ghə i loʼ zə, taw soʼo n tow kə.

Efesus 5:11

Kə ghaa nə̂ dzəələnə wɔɔ a ghaa ghə n ghəə a bəbə ghey a tsəghənə nə kələm, n təŋkey, ghəə a tii a khə way gaamə i loʼ zə. Ghaa fəd khə ni chi dii ghəə a tii ghə n mgbaŋ.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

2 Timoti 2:26

Sey, tɔb u ghə u loʼ ni fən nyi dzəŋŋə bə, tə̀ ghə tyi nuu shi n tsaʼ fə Satan fən ghə ney doʼonə tii nə̀ ghə i zow bə kə tə wi.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:14

I loʼ sey n təŋkey, tə â fəələ kə umaʼlə nəŋə imɔʼ, wə n ghəŋə nə̀ ghə̂ ghən ghə sow maʼa dzənə ghəə a ghə a bəbə ghə, ghə zow may tsu n sə K-a-zə̀.

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 1:4

Tə n ghəŋə nə̀ saa i ləmmə tənə nə̀ saa i keelinu fə wey tə â bayyə naŋanə tə̀ ghə̂ a wi ghə. Tə bayyə naŋa fə u tii wə tə̀ ghaa idəŋ n luʼu key fə u tii u way ni fway, way ni bəb, way soʼo ni fəd koʼ.

1 Pita 2:25

I loʼ sey n təŋkey, ghaa â loʼ tsə tə a loʼ tənjì tə laʼa nay ndownə, a kee bə nya ghə n ghaa ney dzəŋŋə bə nə̀ ghaa i dzûmə ndow wù baʼa u tənjì wə nsə wù wən tə laalənə fə̀ŋ tə ghaa tə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Jɔn 1:9

Abə saa dey dza ndownə bəb i saa zə tə Zə̀ kə, tə i ghəŋə ghəə ghey tə dzanə, tə i ghəŋə soʼo ghəə zey i kpiinə. Tə i neyzəə ghəə a saa a bəbə ghə, tə sow maʼa soʼo ghəə a saa a bəbə ghə adzəm.

1 Jɔn 2:12

N tɔ̀ɔ bə ghəə ghən tə ghaa ghən ghaa loʼnə waa ghuŋ ghə, n təŋkey, Zə̀ kə n ghəə a ghaa a bəbə a neyzəə bòʼ ghəə zey Klisto a ghəŋənə tə ghaa.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Chi dii 21:27

Fə kə dzəə kə loʼ kə nə nyi koʼ way n naʼ i tii zə, nkee wù wən tə ghəŋŋə ləbi tə aghəə nkee ghəə tow kə dədlə kə nkee ghə̂ a badla ghə aghəə ghə. A fəd loʼ ghə̂ ghən zəd a ghə tɔ̀ɔ doʼo n màʼlə kə Waa Nji key, ghə̂ ghey ghə i keelinə muu zə itsali zə loʼnə tii, ghə i nyiənə fu n naʼ i tii zə.