Kəfwaʼ 26:17 - Kaa n Kəzə̀ n fəghə mə

¹⁷ Mə i bəghəshiənu wɔ n wɔ ghə̂ ghə Izree nsə n wɔ ghə̂ ghən ghə way ghə̂ a Təjuu ghə. N tûm ndow wɔ tə ghə̂ ghən ghə way ghə̂ a Təjuu ghə.

Kəfwaʼ 26:17 Mawu Ofanana

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 16:39

Sey, ghə n ndow dza tə ghə nə̀ ghə neyzəə ghə, ney nuu shi bə ghə fu n ndaw tsaʼ. Ghə n daŋŋə buʼ kəwɔɔ tə̀ ghə nə̀ ghə nuu shi ndow n naʼ i ghə.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 18:10

N loʼ ghi wɔ, wù loʼ i way ni mɔm wɔ boʼnə ndəmə ghə̂ ghey ghə loʼnə fa n naʼ zən loʼ ghə̂ ghuŋ.”

Kəfwaʼ 25:3

Ghə n buʼ kəwɔɔ nə̀ Festus gaamə ghə ni tûm kɔʼ bə Pɔl n Yerosalem. A n loʼ nə ghə n bii naŋa ni kwu wey wi n jii.

Kəfwaʼ 28:28

Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Roma 11:13

N dza n baa ghɔɔmə bə nya tə ghaa ghən ghaa way ghə̂ a Təjuu ghə. Nghee tə̀ Zə̀ kə sàynə mə nə̀ n doʼo ngəd ə Klisto tə ghaa, n fuu zɔŋŋə kə wi n fwaʼ kən tə fuunə tə mə.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.